Cinîyê dengbêjî: Ma do adetê xo dewam bikerê 

2021-09-21 09:09:29


	 

	 

	 

	COLEMÊRG - Cinîyê Dengbêjî yê Çelê dîyar kerdî ke dengbejî tarîxê înan a û bi qerarê ke adetê xo dewam bikerê. Cinîyê dengbêjî sewbîna waştî ke tutê înan zî bi ziwanê xo deyîranê xo vajê û adetê xo dewam bikerê.

	 

	Şarê Kurdî seranserê tarîxî de adetê xo yê dengbêjî ke ci de şer, dej, eşq û cuya komelî yê Kurdan hewêneno, heta roja ewro dewam kenê. Qezaya Çelê ya Colemêgî de cinî nê adetî dewam kenê. Cinîyan derheqê dengbêjî de vat, her kilamêke înan hîkayeyêke ya û nê hîkayeyî cuya rastî de ameyê ciwîyayîş.

	 

	Dej û kêfweşî yenê ziwan

	 

	Dengbêje Ayşe Daş vat, qijî ra dayîke xo dir kilaman vata û vat: "Dayîka mi her tim kilaman vatêne. Ez nê kilaman dayîka xo ra musaya. Ma şinê veyvan û uca de kilaman vanê.  Nimûne; kilamêk ‘nazê’ esta, hîkayeya ci esta. Hîkaye de eşqê di kesan esta. Ma dej û kêfweşîyê xo kilaman de  anê ziwan. YEwin waştişê mi oyo, neslê dimayê ma wa bi ziwanê xo qisey bikerê, sey ma wa bi ziwanê xo kilaman vajê, ma senîn ê wa ê zî wina bê."

	 

	'Dengbêjî tarîxê ma ya'

	 

	Dengbêje Emîne Seraç zî qijî bêrîvanî kerda wina vat: “Birayê mi kilaman vatêne û vatêne ti zî reyna bike. Mi wina musnayî. Dengbêjî tarîxê ma ya, ziwanê ma ya. Înşallah dengbêjî her tim dewam bikero. Heta destê ma ra bêro ma do dewam bikerê. Yewin waştişê ma oyo ke tutê ma nê adetî dewam bikerê."

	 

	'Ma wazenê Kurdkî qisey bikerê û kilaman vajê'

	 

	Dengbêje Adalet Yilmaz zî vat, 27 serrî yo Çelê de ciwîyena û vat: “Mi kilamanê embazanê xo yê dengbêjan reyna kerd û wina dest bi dengbêjî kerd. Nika ma şinê veyvan û pîya kilaman vanê. Ziwanê ma Kurdkî yo û ma xeylêk ziwanê xo ra hes kenê. Semedê ma wazenê her tim bi Kurdkî qisey bikerê û kilamanê xo vajê.”