
Huda Kaya: Îqtîdar do bi têkoşînê cinîyan şêro 

2021-09-15 14:35:02


	&nbsp;

	&nbsp;

	Marta Sömek

	&nbsp;

	STENBOL - Huda Kaya ya HDPyije, dîyar kerd ke cinî hedefê hêzê asayîşî de yê û sebebê hêrişê înan zî îqtîdar û wezaretê karê zereyî yo û vat: "Ma estbî, do bibê, heta ke xirab û zalim çin bibê do têkoşînê ma dewam bikero.”

	&nbsp;

	Tirkiye de serrê peyînan de ziwanê nefret, şîdetê camêrdan, vatişê cinsperest bêmabên dewam kenê û zêde benê. Roj bi roje nimûneyê newe binpaykerdişê heqan zêde benê. Destbendkerdiş de îşkence, şîdet û sewbîna çî yenê ciwîyayîş.

	&nbsp;

	Huda Kaya dîyar kerd ke serrê peyînan de bi taybetî cinî bi hawayêke sîstematîk çalakî û bernameyan de hedef yenê ramojnayîş û hêzê asayîşî şîdet û îşkence cinîyan kenê.

	&nbsp;

	‘Yê ke ters û zîncîr şikinayî cinîyê HDPyî yê’

	&nbsp;

	Huda dîyar kerd ke îfadeyê meşrûkerdişê şîdetî zêde bîyo û vat: “8 serrî verê bi taybetî cinî rastê şîdetê bi xof ameyîne. Serrê peyînan de serebûtê travmatîk yê komelî, hêriş, qirkerdiş û lîncê siyasî ameyî ciwîyayîş. Tesîr, pratîk û rêçe ci hema esto, bedelê ci hema yenê dayîş. Îqtîdarî îdarekerdişê tersî bi ca ardo. Nê vîrajê travmatîk de yê ke ters û zincîr şikinayî cinîyê HDPyijî bî.”

	&nbsp;

	‘Cinî hedefê tewr pîlî yê!’

	&nbsp;

	Huda vat, sere de cinîyê kurdî û cinîyê HDPyijî her tim seba çareserî hewl danê û vat: “8ê Adare û 25ê teşrîna peyêne de çalakiyan, mîtîngan, derheqê Pêkerdişê Stenbolî de biewnê, dîyarkerdişê rojeva Tirkîya de hêzê cinîyan xeylêk pîl o. Bi taybetî hemverê tabanî û şarê kurdî de hêrişêk pîl esto. La bi taybetî zî çalakiyan de cinî her tim hedefê tewr pîlî yê.”

	&nbsp;

	‘Sebebê hêrişan îqtîdar û wazeratê karê zereyî yo’&nbsp;

	&nbsp;

	Huda hêrişê hemverê Dayîkê Şemeyî ke hewteyê 700 de Meydanê Galatasarayî de ame kerdiş ard vîr û vat: “Dimayê Meydanê Galatasarayî ame qedexekerdiş ra dima verê ÎHDyî de Dayikê Şemeyî çalakiya xo dewam kerdî. Uca de her kes bi desan rey rastê hêrişî ameyî. Sebebê hêrişan zî îqtîdar û wezaretê karê zereyî yo. Hêzê asayîşî înan ra hêz girewt û şîdet kerd. Îqtîdarê AKPyî do bi cesaret, jîyatîbîyayîş û têkoşînê cinîyan şêro. Bi têkoşînê cinîyan do hîna lez şêrê.”

	&nbsp;

	‘Do têkoşînê ma heta peynî dewam bikero’

	&nbsp;

	Huda wina qedêna: “Cinîyan tu wext sere nêtewêna û peyser game nêeştî. Vernîya Pêkerdişê Stenbolî bêro wedaritiş û dima ra cinî her tim meydanan de bî. Ma estbî, ma do bibê û heta ke heme nêbaşî, zalimî, xirabî nêcehmê do têkoşînê ma dewam bikero.”

	&nbsp;