
2 kesî Pîran de ameyî tepiştiş 

2021-09-14 14:43:18


	&nbsp;

	&nbsp;

	AMED - 4 kesê ke operasyonê dewa Pîrejmanî qezaya Pîranî de amebî destbendkerdiş, 2 ci ra ameyî tepiştiş.&nbsp;

	&nbsp;

	Operasyonê eskerî yê 9ê êlule de herêma Birîv û Meyako yê dewa Pîrejmanî yê girêdayê qezaya Pîranî ya Amedî de amebi &nbsp;destpêkerdiş de 4 kesî amebî destbendkerdiş. Muxtarê dewe H.Y., cinîya ey A.Y., E.A. û E.A. bi îdiayê “hetkarîya rêxistine kerdê” amebî destbendkerdiş. Dimayê girewtişê îfadeyan ê &nbsp;qereqolê cendermeyan her çar kesî vizêr sewqê edliyeyî ameyî kerdiş. H.Y. û cinîya ey A.Y. ameyî veradayîş, E.A. û E.A. zî bi eynî îdiayan ameyî tepiştiş û şawitî zîndanê Amedî yê Cinîyan.

	&nbsp;

	Heto bîn ra ame neqlkerdiş ke şewatê daristanî yê netîceyê gulevaranê helîkopteran de herême de vejîyabi, vizêr xo bi xo tefîya yo.

	&nbsp;