
Pawitişê heqê cinîyan sûc ame hesibnayîş 

2021-09-07 13:39:03


	&nbsp;

	&nbsp;

	COLEMÊRG - Serdozgerîya Komare ya Colemêrgî derheqê 4 sîyasetmedarê cinîyan de îdianame amade kerd û îdianameyî de têkoşînê hemverê şîdetê cinîyan yeno ramojnayîş, hedef ame girewtiş.

	&nbsp;

	Çarçewaya cipersayîşê ke Serdozgerîya Komare ya Colemêrgî kerd 11ê Hezîrane de Colemêrg de sereştişê keyeyan ame kerdiş û hemsereka HDPyî qezaya merkezî Sînem Seven, vervatoxa cinîyan a HDPyî ya Colemêrgî Zeynep Kaya, Hemsereka Şemzînanî ya HDPyî Sozdar Atîl û hemsereka demê verî ya HDPyî Sîpan Turan ameyî destbendkerdiş û derheqê înan de îdianame ame amadekerdiş.

	&nbsp;

	Eşkerayîya çapemenî sûc amî vînayîş

	&nbsp;

	Îdianameyo ke ame amadekerdiş de eşkerîyaya çapemenî ke Colemêrg de hetê HDPyî ra bi amancê Roja Paştdayîş û Têkoşînê Mîyanneteweyî vera Şîdetê Hemverê Cinîyan 25ê Teşrîna Peyêne 2020 de ame dayîş, sûc ame hesibnayîş. Sewbîna pankartê ‘Ma hemverê şîdetê camêrdî de xo pawenê' zî sey delîlê somut ame qebûlkerdiş. Sewbîna çalakîya ke TJA û Meclîsê Cinîyan ê HDPyî ya Colemêrgî 8ê Kanûne de bi amancê ke tûta Kercewsê Êlihî de rastê tecawuzê 27 kesî amebî, protesto kerdibî zî ca girewt.

	&nbsp;

	Têkoşîn hedef ame girewtiş&nbsp;

	&nbsp;

	Îdianame de îfadeyê cinîyan zî ca girewt û amblemê Tevgerê Cinîyan ê Azadan (TJA) ya eşkerayîya çapemenî de yeno xebitnayîş, ame perskerdiş. Îdianame de seba têkoşîno ke TJA dano îdiayê "Binê pankartê TJAyî de 'hîsê masûmhane vîtrîn yenê xebitnayîş &nbsp;û falîyetê rêxistinî yenê kerdiş' zî ca girewtî."

	&nbsp;

	Îdianameyo ke ame amadekerdiş hetê 3ine Dadgeha Cezaya Giran ya Colemêrgî ra ame qebûlkerdiş û yewin roniştişê dewa do 6ê teşrîna peyêne de bêro kerdiş.

	&nbsp;

	&nbsp;

	&nbsp;