
Cinîyê dinya eşkenê hemverê şerî xo bi rêxistin bikerê

2021-09-04 12:53:49


	&nbsp;

	&nbsp;

	Melîke Aydin&nbsp;

	&nbsp;

	ÎZMÎR - Cinîyê Aştîye yê Foçayî ra Sultan Bozkurt dîyar kerd ke dewletê mêtînger ke şer vejenê, ewil cinî û tûtan şer de verdenê û vat, zehmet bo zî ganî cinî sewîyeya ke tedayê mîyanneteweyî awan bikero de, bieşkê xo bi rêxistin bikerê.&nbsp;

	&nbsp;

	Cinîyê Aştîye yê Foçayî Sultan Bozkurt dîyar kerd ke şer hetê dewletê mêtînger ra yeno vetiş û vernê de cinî û tûrî hawirê şerî de yenê verdayîş û zehmet bo zî ganî cinî sewîyeya ke mîyanneteweyî awan bikero de, bieşkê xo rêxistin bikerê. Sultane dîyar kerd ke seba nê cinî ganî hemverê vatişê şerî aştî rêxistin bikerê.

	&nbsp;

	Cinî eşkenê rêxistinbîyayîşê mîyanneteweyî bi ca bîyarê

	&nbsp;

	Sultane dîyar kerd ke seranserê tarîxî de Rojhelato Mîyanên û tewr peyîn zî Efxanîstan de serê nasnameyê etnîk û bawerîyan de şer yeno kerdiş û esas de bi stratejî parçe bikerê nê welatî yenê binpaykerdiş. Sultane dewam de wina vat: "Welatê ke teda kenê ewil cinî û tûtan mîyanê şerî de verdenê. Huqûqê unîversal yeno binpaykerdiş. Binpaykerdişê heqan verê çimanê heme dinya de yeno legalkerdiş. Cinî eşkenê &nbsp;rêxistinbîyayîşêk awan bikerê. Cinî aştî dana ciwîyayîş. Ganî tu wext hemverê sîyasetê camêrdan ke yewîya şaran asteng keno, bawerîya cinîyan nêqedîyo."

	&nbsp;

	Ganî bernameyê kulturî bêrê zêdekerdiş&nbsp;

	&nbsp;

	Sultane dewam de wina vat: "Herême de polîtîkayêk aştî nîno kerdiş û multecîyan sey hacetê&nbsp;bazarî ercnenê. Coka problemî û xeberê şaşî yê çapemenî de yenê weşênayîş û no zî nîjadperestî û cîyabîyayîşan pîl keno. Krîzê ekonomîyê welatî zî dişminîyê hemverê multecîyan zêde keno. Seba ke nê problemî bêrê çareserkerdiş ganî bernameyê kulturî bêrê zêdekerdiş."

	&nbsp;

	'Ganî cinî hemverê vatişê şerî aştîye rêxistin bikerê'

	&nbsp;

	Sultane dîyar kerd ke ganî cinî vera şerî vejîyê û vat: " Tirkîya de vera vatişê şerî ganî cinî bi vindertişê aştî, her ca de xo rêxistin bikerê. Cinîyan tarîxê dinya de xeylêk rey şer de bi helwestê xo paştdayîş dayê aştî û rêxistinbîyayîş û hemleyêk bîn aver berdê. Bi no hawa vengê xo dayê eşnawitiş. Ma Cinîyê Aştîye ya Foçayî zî çi destê ma ra bêro ma do bikerê. Bawerî û îdeolojîyê cîya cinî eşkenê bêrê têhet û hêzê xo pîl bikerê û bi rêxistinê cinîyan dir nê vatişan komelî de bidê eşnawitiş.”

	&nbsp;

	Sultane tewr peyîn qiseykerdişê xo de vat, hemverê zîhniyetê ke rêxistinbîyayîş asteng kenê, hewl danê ke yewbîyayîşê cinî sewîyeya aştî de awan bikerê.

	&nbsp;