
Besnaya ke 28 serrî yo şîdetî dir rî bi rî manena veng da sazgehê cinîyan 

2021-09-01 14:04:19


	&nbsp;

	Rojda Aydin&nbsp;

	&nbsp;

	ŞIRNEX - Şirnex de Tamer Ceylan, şîdet serê cinîya ke ey dir zewicnayîbî Besna Ceylan kerd û serê aye de awa girnayî rijna. Besnaya ke 28 serrî yo bi şîdetî dir rî bi rî manena, vengdayîşê hetkarî kerd û vat: "Cinîyê ke rastê şîdetî yenê wa bêveng nêmanê û vengê xo berz bikerê. Ez nêwazena ke êdî cinî bimirê.” &nbsp;

	&nbsp;

	Taxa Gundogdû ya merkezê Şirnexî de Tamer Ceylanî şîdet cinîya ke ey dir zewicnaye bî Besna Ceylane rê kerd. Goreyê zanayîşê ke ameyê girewtiş, mabêne Tamer û Besna Ceylan de munaqeşe vejîya û wextê munaqeşeyî Tamer Ceylan awa girnayî serê Besna Ceylan de rijnaya û veşnaya. Pêwa nê Besna heta 12 saetan nêeşkaya şêro nêweşxane û dimayê ke merdimê aye ameyê keyeyê aye wedarnayê Nêweşxaneyê Dewlete ya Şirnexî. Dimayê tedawî Besna nêweşxane ra tabûrcî kerdê û gerreyê Tamer Ceylanî kerdê. Bi gerrekerdişî dir Tamer Ceylan ame destbendkerdiş û dimayê ke îfadeyê ey Mudurîyetê polîsan ê Şirnexî ra ame girewtiş, ame veradayîş.

	&nbsp;

	Keyeyê Besnaye hêrişê Tamer û keyeyê ey kerd. Netîceyê hêrişî de Tamer û birazayê ci Orhan Ceylan bi giranî birîndar bî. Di birayê Besna, Mustafa û Kamîl bi sebebê Tamer darp kerdê, ameyî destbendkerdiş. Besna ke rastê şîdetî amî, çîyê ke ciwîya ajansê ma rê qal kerd û veng da sazgehê cinîyan ke hetkarîya ci bikerê.

	&nbsp;

	'Awa girnayî serê mi de rijna'&nbsp;

	&nbsp;

	Besna derheqê serebûtê xo de wina qal kerd: "Vernîya di rojan dedê mi dinyaya xo bedilna. Ez zî şîbîya şînê ey û şan de gêraya keye. Mi 6 rey çay dem kerd, seba ke mêrdeyê mi bişimno. Labelê nêşimna. Dima ra kênaya mi çaye berd war, semedo ke pîyê ci bişimno. Reyna zî nişimna û mabêne înan de munaqeşe vejîya. Dima ra kênaya mi ameye keye û pey aye ra mêrdeyê mi ame. Persê kênaya mi kerd û mi vat oda de ya. Mi ra vat, ‘ez o nê keyeyî to rê bikerî zîndan.' Sere de kulmêke da kênaya mi ro, mi çîyêk nêvat. Reyna da piro la wexto ke çetale kerd destê xo, ez hemverê ey vejîyaya. Mi ci ra pers kerd çira wina keno û reyna vat, ‘ez o nê keyeyî to rê bikerî zîndan.' Kênaya mi odaya xo de bî û ez zî verê odaya ey de bîya, paşta mi pey ey ser de bî û reyke de awa girnayî eşt serê paşta mi. Serebût heta şan de saete 21.00 de ame meydan û heta roja bîn saete 12.00 de kesêk mi nêberd nêweşxane. Mêrdeê mi zî şi dikan de ronişt. Keyeyê mêrdeyê mi hetkarîya mi nêkerd û peygoş kerdî. Dima ra ez keyeyê xo gêraya û ey ameyî mi berdî nêweşxane. Xeylêk cayê bedenê mi veşa yo. Dimayê serebûtî mabêne keyeyê mi û ey de munaqeşe vejîya."

	&nbsp;

	Veng da sazgehê cinîyan

	&nbsp;

	Besna, tewr peyîn veng da sazgehê heqê merdiman û cinîyan û vat: "Sîstemê camêrdê pederşahî bi şîdet û qirkerdiş ke kenê, wazenê ke cinîyan çin bikerê. 28 serrî yo şîdetî dir rî bi rî ya. Mi vatêne belkî d rojêke baş bibo, la baş nêbê. Ez êdî bêveng nêmanena, wazeno wa mi bikişo? Ez veşaya wa tu cinîyêke bîn nêveşo. Vengdayîşê mi oyo ke wa sazgehê cinîyan wayîrê mi vejîyê. Mi gerreyê mêrdeyî kerd û ez o heta peynî pey dewaya xo de bî. Wa êdî cinî nêmirê. Mi muracatê sûcî kerd, la dewlete çîyêk nêkena. Seba ke bêedaletî esta. Seba nê cinîyan ra hetkarî wazenê. Wa edalet cayê xo bivîno."

	&nbsp;