
Adiro ke Dêrsim de ameyo vistiş nêameyo tefênayîş 

2021-08-30 15:34:21


	&nbsp;

	&nbsp;

	DÊRSIM - Qezaya Xozatî ya Dêrsimî de 14 rojî yo şewat dewam keno. Hema ke no şewat nêameyo tefênayîş, nika Dola Munzurî de yewna şewat vejîya.

	&nbsp;

	Qezaya Xozatî ya Dêrsimî de 14 rojî yo şewato ke 17ê tebaxe de netîceya operasyonê leşkerî de hetê leşkeran ra vejîya dewam keno. Şewato ke 14 rojî yo dewlete mudaxaleyê ci nêkena û nêverdena şar bi îmkanenê xo zî bitefêno, bikerox vila beno.

	&nbsp;

	Hema ke no şewat nêameyo tefênayîş, Dêrsim de yewna şewat vejîya. Dola Munzurî ke mabênê merkezê Dêrsimî û qezaya Pulurî de ya herêma ci ya Çira Firtina Velî de şewat vejîya. Şewat pê tesîrê vayî vila beno. Dumê şewatî xeylêk nûqtayan ra eseno.

	&nbsp;

	Şewatê Xozatî hema dewam keno. Roja 14. yê şewatî de vizêr pê 2 helîkopteran hewa ra mudaxale ame kerdiş la seba tefênayîşê şewatî mudaxaleyêko bi îstîkrarkerde hema zî nêameyo kerdiş.&nbsp;

	&nbsp;

	&nbsp;