
Ziwanzan Necmîye Alpay: Wazenê Kurdkî çin bihesibnê  

2021-08-27 14:14:40


	&nbsp;

	&nbsp;

	Habîbe Eren

	&nbsp;

	STENBOL - Ziwanzan Necmîye Alpay, bale ant serê vatişê pêşkêşwana bernameyî Dîdem Arslan û vat: "Pêwa Dîdem Aslan vatişê Muherrem Înce zî bî. Çîyo ke goreyê pedegojî nîyo rastiyo ke yeno nimitişî yo. Nê nêzdîbîyayîşê hemverê ziwanî de yenê manaya dewamkerdişê polîtîkayê teda û zordarî ."

	&nbsp;

	Polîtîkayê taybet yê hemverê ziwanê kurdkî dewam kenê. Seba qiseykerdişê bi kurdkî û goşdarîkerdişê kilamê bi kurdkî hertim Tirkîya de bîyê sebebê hêrişê nijadî. No çî parçeyêk asîmîlasyon û çinhesibnayîşî yo. Çend rojî yo pêşkeşwana bernameyî Dîdem Arslan rojeva Tirkîya de ya. Vatiş û vindertişê aye dişminîyê hemverê ziwanî û çinhesibnayîşê ziwanî bi. Dimayê ke reaksîyon û nêrazîbîyayîşê bi taybetî serê medyaya dijîtalî de zêde bi, dest bi xopawitişî ke şaş ameyo famkerdiş kerd. Ziwanzan Necmiye Alpay, derheqê rewşe de ajansê ma rê qisey kerd û bale ant serê polîtîkayê asimîlasyonî yê hemverê ziwanê kurdkî.&nbsp;

	&nbsp;

	‘Polîtîkayê teda û zordarî yenê dewamkerdiş’

	&nbsp;

	Necmiye, destpêkê qiseykerdişê xo de bale ant serê bernameyê Dîdem Aslan û vat: "Dîdeme reyke vat, 'ez tay fam kena", dima ra vat, 'Tîya Komara Tirkîyaye ya' mabêne vatişan de nakokiyêk esto. Dîdeme tecrûbeyê aye yê bernameyan xeylêk ê û çira wina bi, a zî nêwaştêne wina bibo. Destêko nimte esto û bêtehemûlî nêzdî beno.”

	&nbsp;

	‘Fek vatişê ziwanê rojhelatî ra vera bidê’

	&nbsp;

	Necmîye, dîyar kerd ke êdî huyayîşê merdiman vatişê, 'Ziwanê rojhelatî' yeno û wina vat: "Dimayê destkewtişê 20 serrî, huyayîşê merdiman vatişê bi nê rengî yeno. Ewro êdî no çî derbazdar nêbeno. Sey Dîdem Aslan do xeylêk nimuneyê bi nê rengî yo ke nakokîyan de manenê vejîyo werte. Wexto polîtîkayê teda bi fermî bêrê ferzkerdiş de nimûneyê bi nê rengî vejênê teber.”

	&nbsp;

	‘Merdimî bi hezar metodî eşkeno vajo, ‘Ez to fam nêkena’

	&nbsp;

	Necmîye wina qedêna: "Kesê ke cîranê xo înkar bikero xo zî înkar keno. Cesaretê ke Îspanya û Britanya de ameyo ramojnayîş, tîya zî gerek bêro ramojnayîş. Ma çi munaqeşe bikerê, ganî bi ziwanê ke bi çekûyê aştiye bo. Semedê aştiya komelî no çî lazim o. Merdimêk verê ma de vindero û ti zî vajê, 'ti çin a/o' çîyo tewr xirab o. Merdimî bi hêzar metodî eşkeno vajo, 'Ez to fam nêkena'."

	&nbsp;