'Bi aşmêke yo ma vengê ey nêeşnawito' 

2021-08-21 13:16:42


	 

	ENQERE - Merdima tepişteyî Gulten Benzer dîyar kerd ke Suleyman Benzero ke zîndanê Tîpê T yê Duzceyî de maneno, binê tecrîdî de yo, her wext cezaya disiplînî danê ci û heme heqê ci yenê binpaykerdiş.

	 

	Tepişteyo bi nameyê Suleyman Benzer cezaya meubetê giran girewt û 2018 ra heta nika zîndanê Tîpê T yê Duzceyî de hucreyê yew kesî de yeno tepiştiş. Suleyman Benzer pêvînayîşê telefonî yê bi keyeyî dir binpaykerdişê heqan ard ziwan. Nacnîya ey Gulten Benzer binpaykerdişê heqan ê ke Suleyman ci dir yeno rî bi rî qal kerd.

	 

	'Ma aşmêke vengê ci nêeşnawit'

	 

	Suleyman ke 2001 de ame tepiştiş û cezaya muebetê giran ame dayîş û xeylêk zîndanan de mend. Nacnîya ci Gultene wina vat: "Suleyman 11 serrî yo tepişte yo. 2018 ra heta nika hucreyê yew kesî de yo. Ma sey keyeyê ey ci ra xeberêka baş nêgînê. Semedê muebetê giran ci rê ameyo dayîş, tecrîd zî ser de esto. Xora 15 rojan ra reyke ma telefon ra vengê ci eşnawenê, la îdarekarê zîndanî vatişêk keno sebeb, pêvînayîşê telefonî qedexe keno. Bi aşmêke ma Suleymanî ra xebere nêgînê. Her wext cezaya dîsîplînî danê. Heqê ey yenê îhlalkerdiş.”

	 

	'Suleyman rastê tecrîdo giran yeno'

	 

	Gultene vat, Suleyman hucre de ten ayeno tepiştiş û vat: "Pêwa ke tena hucre de maneno, gardiyan her tim erzenê serê hucra ey de û ey tehdîd kenê. Roje de saetêk vejenê hawa. La a saete zî goreyê tepişteyê edlî vejenê eyar kenê. Suleyman 2018 de zî kewtibi grevê vêşanîye. Ma wazenê Suleyman bêro sewqkerdiş. Hem o hem zî ma wazenê ke Behrosîya ra bêro sewqkerdiş. Pêro waştişnameyê ma bêcewab mendî. Hemverê Suleymanî de helwestêk înan taybet esto."  

	 

	'Ma edalet gêrenê'

	 

	Gultene tewr peyîn wina vat: "Semedo ke hucreyê yew kesî de maneno, serebûtê teberî ra xeberdar nîyo. Wazeno o zî xeberdar bibo. La heqê neqlî ci ra girewtê. Seba ke ne rojname ne zî televîzyon danê. Bi serran o tena ciwîyeno. Ma semedê nê edalet gêrenê. Beno ke cezaya muebetê giran ci rê dabê la Suleyman tena nîyo."