TJK-E: Ma do bibê vengê cinîyan ê Efxanijan 

2021-08-18 14:50:38


	 

	 

	MERKEZÊ XEBERAN - TJK-Eyî bi eşkerayîyêk paştdayîşê xo yê cinîyan ê Efxanijan dîyar kerd ke û vat, ê do bibê vengê cinîyan ê Efxanijan.

	 

	Tevgerê Cinîyan ê Kurdan ê Ewropayî (TJK-E) dimayê ke Efxanîstan teslîmê Talîban ame kerdiş, bale ant serê rewşa cinîyan ê efxanijan.

	 

	Eşkerayî de wina ame vetiş: "Cinîyê efxanijî hemverê her tewir kanperestî, seba cuyêka têduşt-azad û demokratîk biciwîyê bi serran o têkoşîn kerdî, kulturêk xoverdayîşî kerdî. Hemverê îdam, recm, tecawuzî û xeylêk kerdişê wehşî û hêrişan têkoşîn kerdî. Nê rayîrî de bedel dayî. Ewro ganî bi cinîyê efxanijan dir paştdayîş û têkoşîn bêro geşkerdiş. Serê nê bingehî de ma Tevgerê Cinîyê Ewropayî mîyanê her şert û mercî de paştdayîşê wayê xo yê efxanan bê. Tu cinî tena nîya. Û ma do bibê vengê her cinî."