
Keyeyê Şenyaşarî: 161 rojî yo ma verê edlîye de xo ver danê 

2021-08-16 15:10:27


	&nbsp;

	&nbsp;

	RIHA - 161 rojî yo nobeta "Edaletî" ya keyeyê Şenyaşarî dewam kena. Çalakiya ewro de keyeyê Şenyaşarî wina vat: "Seba heq, huqûq û edaletî 161 rojî yo ma verê Edliyeyê Rihayî de xo ver danê."

	&nbsp;

	Nobeta "Edaletî" ya Emîne Şenyaşar ke mêrde û di lajê ci hetê merdimê Parlamenterê AKPyî yê Rihayî Îbrahîm Halîl Yildiz ra ameyî qetilkerdiş û lajê ci Ferît Şenyaşar ke hêriş de bi birîndarî xelas bibi, roja 161ine de dewam kena. Emîne û Ferît serê sibayî ameyî verê edlîye û dest bi çalakîya xo kerdî. Sewbîna avûkatê keyeyî Mehmet Alî Arslan zî ewro tewrê çalakî bi.

	&nbsp;

	Avûkat Mehmetî zî vat, 3 serrî yo derbaz bîyo û vat: "Hema zî qeraro nimte serê dosya de esto. No çî bêqnûnî yo. Ganî dosya eşkera bibo. Sewbîna 8 dozgerê ke dewa taqîb kerdî, ameyî vurnayîş û dozgerî bi keyeyî dir pêvînayîş nêkeno. Waştişê keyeyî estê û 161 rojî yo tîyayê. Ganî sazgeh û dezgehê huqûqî, sazgehê sivîl paştdayîş bidê keye."

	&nbsp;

	Sewbîna keyeyî serê medyaya dijîtalî de nê mesajî da: "Seba heq, huqûq û edaletî 161 rojî yo ma verê Edliyeyê Rihayî de xo ver danê. Heta ke yê nêweşxaneyî de sûcê merdimayî kerdî nêvejîyê vernîya hukmî û hesab nêdê, ma do keyeyê xo de nênêşnê ro."

	&nbsp;