'Hemverê qirkerdişî ganî ma pîya bê û hîna zêde veng vejê' 

2021-08-12 12:54:22


	 

	Gulistan Azak

	 

	EDENE/HATAY - Cinî fek Pêkerdişê Stenbolî ke 20ê Adare de bi îmzeyê Serekkomarê AKPyî Tayyip Erdogan ra ame betalkerdiş, vera nêdanê. Cinîyî hemverê qirkerdişê serê cinîyan ke tewr zêde benê de wina vatî: "Hemverê qirkerdişan ganî ma pîya bê û hîna zêde vengê xo vejê."

	 

	Bi betalkerdişê Pêkerdişê Stenbolî de şîdetê serê cinîyan her ke şino zêde beno û bi vatişê îqtîdarî zî hêrişê nîjadperestî yenê kerdiş û bi nê kurdî yenê qetilkerdiş û polîtîkayê bêcezaverdayîşê versûcan zî dewam kenê. Cinîyan hemverê betalkerdişê Pêkerdişê Stenbolî de bi îmzeyê Serekkomarê AKPyî Tayyip Erdoganî de reaksîyonê xo ramojnayî.

	 

	'Qerar derbazdar nîyo'

	 

	Meclîsê Cinîyan ya Partîya Demokratîke ya Şaran (HDP) Emîne Adibelli dîyar kerd ke babetêke heme cinîyan eleqeder kena şewêke de nîna betalkerdiş û vat: "Ka semedê betalkerdişî fikrê ma cinîyan pers kerdî? Qerarê betalkerdişê mantix û ehlaqî ra dûrî yo. Hêzêkê ma yê rêxistinkerde esto. Ma heqê xo bi asanî nêgirewt ke ma bi asanî bidê. Coka ma xo ver danê. Qerarê betalkerdişî semedê ma derbazdar nîyo. Pêkerdişê Stenbolî seba ma xeta sûr a. Ma xo tewr zêde bi rêxistin bikerê. Heta ma serbikewê ma do xo ver bidê. Semedê heq û cuye ma do têkoşîn bikerê. Kesêk nêeşkeno Pêkerdişê Stenbolî ma ra bigîro."

	 

	'Ma do meydanan de bê' 

	 

	Meclîsê Cinîyan ê HDPyî Hedîye Biter zî wina vat: "Amancê betalkerdişê Pêkerdişê Stenbolî pelçiqnayîşê cinîyan o. Pêkerdişê Stenbolî semedê cinîyan rêxistinkerdiş girîng o. Ganî ma tewr zêde xo rêxistin bikerê û paştdayîşê xo pîl bikerê. Tayîp Erdogan cinîyanê ke îdarekarîyê ci de yê, çin hesibneno. Bi rejîmê îslamî ya sîyasal, wazenê cinîyan zere de asê bikerê. Dîyar o, wazenê cinîyan mîyanê qaliban de asê verdê. Ma do hemverê nê nêbaşîyê rêxistinkerde meydanan de bê. Ma do heta peynî xo ver bidê."

	 

	'Bêtêduştîyê cinsî yê hemverê cinîyan tewr kûr beno'

	 

	Endama Sendîkaya Kedkarê Buroyê Sabahat Mutluay wina vat: "Bi betalkerdişê Pêkerdişê Stenbolî dîyar o, do rayîr ver bi qeybê pîl bêrê akerdiş. Cinî çinbo, do feqîrî zî aver şêro. Cinîyê bi betalkerdişê pêkerdişê mecbûrî zere de ameyî verdayîş do tesîr ekonomî ser o bikero. Coka ma fek Pêkerdişê Stenbolî vera nêdanê û ma vengê xo vejê."

	 

	'Hemverê qirkerdişê ganî ma pîya bê û hîna zêde veng vejê'  

	 

	Endama Egitim Senî Sevîlay Elmas zî wina vat: "Pêkerdişê Stenbolî semedê komelî zaf girîng o. Coka ma hemverê betalkerdişê pêkerdişî yê. Coka antişê pêkerdişê heqê şaran paweno û têduştî paweno teberê aqilan o. Ma betalkerdişê Pêkerdişê Stenbolî qebûl nêkenê. Girîng oyo ke paştdayîşî xurt bikerê. Ma coka veng danê heme cinîyan ke wayîrê Pêkerdişê Stenbolî vejîyê."