Ewropa ra reaksîyonê hemverê qirkerdişî 

2021-07-31 15:17:45


	 

	ENQERE - Sîyasetmedarê Ewropayî etîketê #KonyadaKatliam xebitnayî û reaksîyonê hemverê qirkerdişê keyeyê kurdê ke Konya de ciwîyayîne ardî ziwan.

	 

	Reaksîyon serê hesabê medyaya dîjîtalî de hemverê qetilkerdişê 7 kesê ke keyeyê kurdî yê qezaya Meramê Konyayî de ciwîyayîne, dewam kenê. Sîyasetmedarê Ewropayî hemverê qirkerdişî reaksîyonê xo ramojnayî.

	 

	Parekerdişê sîyasetmedaran wina yo:

	 

	Raportorê Tirkîya yê Parlamentoyê Ewropayî (AP) Nacho Sánchez Amor: Hêriş reya diyîn ê eynî kesan nîjadperest bisernêkewtişê polîs, dozger û dadgeran o. No bisernêkewtiş nîno qebûlkerdiş.

	 

	Parlamentera Baskî EH-Bildu Oihana Etxebarrieta Legrand: Ma reyke bîn wazenê paştdayîşê xo yê semedê kurdan bîyarê ziwan. Pêro endamê ma paştdayîşê kurdan kenê.  

	 

	Senatoyê Îspanyayî endamê EH-Bildu Bask Gorka Elejabarrieta Diaz da: Ma paştdayîş danê HDP û dostê ma yê kurdî ke ewro ameyê qetilkerdiş. Ganî Tirkîya derheqê kurdan de berpirsîyar bo.

	 

	Bloka Mîyanneteweyî ya Galiçyayî û Parlamentera Koma AP EFA  Ana Miranda zî sersaxî waşt û mesajê, "Ma kîşte şima de yê" da.