
Nobeta 'Edaletî' binê germbîyayîşê zêde de dewam de ya

2021-07-30 13:43:35


	&nbsp;

	RIHA - Emîne û Ferît Şenyaşar, pêwa betlaneyê edlî verê Edlîyeyê Rihayî de binê germbîyayîşê zêde de çalakîya xo ya Nobeta "Edaletî" dewam kenê.

	&nbsp;

	Emîne Şenyaşar û lajê xo Ferît bi waştişê “edaletî” 144 rojî yo verê Edlîyeyê Rihayî de nobete gênê. Ewro zî Ferît Şenyaşar &nbsp;sey her siba ame verê Edlîyeyî û dest bi çalakî kerd.

	&nbsp;

	Ferît Şenyaşar qisey kerd û bale antî serê betlaneyê edlî ke do heta 31ê tebaxe dewam bikero û vat: "Têkoşînê ma yê edaletî roja 144in de yo. Ewro zî ez bi tena nobete gênê. Çike dayîka mi şî pêvînayîşê lajê xo ke hîrê serrî yo bi hawayêk bêhuqûqî tepişte yo. Nika edlîyeyê Tirkîya betlaneyê edlî yê pêroyî esto. Dozgerê ke bi rayîrê hukmî zulm kenê, betlane de yê û ma zî tîya nobeta edaletî de yê. Çîyo ke dewlete serê lingan de verdeno edalet o. Nêbeno ke mesaiyê edaletî bibo betlane. Bi milyonan însanê sey ma mexdûr ê estê. Wa dozger û dadger edalet bi ca bîyarê û dima ra şêrê batlane. Însanê mazlûmî binê zulmî de edalet gêrenê la dozger û dadgerî batlane de yê, no nîno qebulkerdiş. Ma edalet û huqûq wazenê."

	&nbsp;