'Îqtîdar hewl dano ke îstîsmar normal bikero' 

2021-07-15 13:30:34


	 

	 

	STENBOL - Avûkate Dîren Cevahîr Şen reaksîyon nîşanê pakêta meclisê derbaz bîya ke sucê îstîsmarê hemverê tutan de şertê ‘delîlê somutî’ wazeno da û dîyar kerd ke îqtîdar bi serran o derheqê meşrûkerdişê îstîsmarê cinsî de polîtîkayan keno û vat: "Bi 4ine  pakêta hukmî dir rayîro ke şikdaran bixelesno akerd. Bi nê dir hewl dano ke îstîsmar meşrû bikero."

	 

	Prosesê pandemî de AKPyî ‘pakêta înfazî’ pêşkêşê serekîya TBMMyî kerd û 14ê Nîsana 2020 de ame qebûlkerdene û bi qanûn. Çarçewaya Pakêta înfazî de şikdarê şîdet û îstîsmarî ra ameyî veradayene. 2016 ra heta ewro hukmatê AKP-MHPyî mîyanê babete de ardî rojeve de caardişê, vistişê emrê zewacî, pawitişê şikdarê îstîsmarî û meşrûkerdişê îstîsmarî zî bi. Demê nêzdî de Wezîrê Keye û Xizmetê Komelî Derya Yanik ke Komîsyonê Cigêrayîşê Dîyarkerdişê Sebebê Şîdetê Hemverê Cinîyan ê TBMMyî de qisey kerd, Serekê Sazgehê Têduştî û Heqê Merdiman ê Tirkîya, Suleyman Arslan û parlamenterê AKPyî Abdullah Guler ke Komîsyonê Edaletî yê Meclîsî de qisey kerd, vatişê ke îstîsmarê cinsî û zewacê emrê qij meşrû kenê ard ziwan. Serê reaksîyonê rayaumumî îqtîdarî peyser game eştibi, la 4ine  pakêta darazî de zemînê ci amade kerd.  

	 

	Avûkate Cevahîr Şen, şertê ‘delîlê somutî' yê 4ine pakêta hukmî de ca gêna ercna.

	 

	'Delîlê somutî yê ke wazenê çi yo gelo?'

	 

	Dîrene dîyar kerd şertê cigêrayîşê delîlê somut yeno manaya ke îfadeyê cinî û tutan çin yeno hesibnayene û vat: "Bi serran o ma metodê îfadeyê  cinîyan esas o, munaqeşe kerd. Îqtîdar wazeno ke babete serûbin bikero. Îqtîdarê sîyasî û derûdorê ci nê keno. Pêkerdişê Stenbolî û kampanyayê derheqê ci de bi manîpulasyonî ame kerdene. Îfadeyê kesa/o rastê îstîsmarî ameyîne esas ameyîne girewtene û ameyîne pawitiş ke şikdarê hêrişê xo pak vejo û wina cigêrayîş ame destpêkerdene. Nika zî gam bi game hewl danê ke şikdarê şîdetê cinsî bipawê. Gelo îqtîdar bi delîlê somut çi wazeno? Îqtîdar pêkerdişê rewşa ke delîlê somutî çinbo de do şikdarî bêrê veradayene."

	 

	'Şikdaran pawenê û helwestê polîtîkî nîşan danê'

	 

	Dîrene dewam de wina vat: "Îqtîdar helwestêk polîtîk û îdeolojêk keno. Îqtîdar polîtîkayê zewacê emrê qij de zî keno. Vatişê vervatoxê îqtîdarî vernîya îstîsmarê tutan akeno. Sewbîna amancê înan oyo ke yê ke verê nê sucî kerdê zî bêceza verdê. Şikdarê îstîsmarê cinsî qawişê edlî de zaf ca gênê, ma nê zanê. Bi serran o yeno rojeve ke şikdarê hêrişê cinsî bêrê efûkerdene. Tewr peyîn dewlete bi 4in pakêta hukmî şikdaran vera dayî. Vernîya serebûtî yê tîya ra tepya akerd. No kerd qanûn û normal ramojna."

	 

	'Kiştoxê cinîyan do hêrişan dewam bikerê'

	 

	Dîrene tewr peyîn wina vat: "Kiştoxê cinîyan do hêrişan dewam bikerê. Kiştoxê Pinar Gultekîn bi vatişê, ‘Baş o ke pêkerdişê Stenbolî ame wedaritene' silam dayo îqtîdar. Amancê îqtîdarî oyo ke cinî û tutî komelî de xo bê asayîş hîs bikerê. Ganî ma wayîrê destkewtişê xo vejîyê û têkoşîno hempar bikerê."