Emîne û Ferît Şenyaşarî 127 rojî yo nobeta ‘edaletî’ de yê 

2021-07-13 14:33:29


	 

	 

	RIHA - Emîne û Ferît Şenyaşar çalakîya xo ya nobeta 'edaletî' ke verê Edliyeyê Rihayî dayî destpêkerdene roja 127ine de dewam kenê.

	 

	Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde verê Edlîyeya Riha de roja 127ine de nobeta ‘edaletî’ rê dewam kena.

	 

	Keyeyê hesabê xo yê twitterî ser o no mesaj da: “Çîyê ke 3 serrî verî ameyê ma sere heta ke yew nêvîno nêeşkeno fam bikero. Wa nêro sereyê çewî. 3 merdimê ma nêweşxane de ameyî qetilkerdene. 3 serrî yo kes nêtepişîya. Kam wazeno ney bivîno ma verê edlîye de yê wa bêro.”