
Şîlan Elmaskan: Xebatê semedê pawitişê ziwanî do dewam bikerê

2021-07-07 13:24:40


	&nbsp;

	Sema Çaglak&nbsp;

	&nbsp;

	AMED - Hemsereka MED-DERî Şîlan Elmaskan, dîyar kerd ke şahîya tutan dewan de bi coşêkê pîl ame kerdene û vat: "Hewldayîşê tutan semedê musayîşê ziwan girîng bi. Ma do çarçewaya xebatê xo hîra bikerê û dewam bikerê."

	&nbsp;

	Komeleya Cigêrayîşî ya Ziwan û Kulturê Mezopotamyayî (MED-DER) ya Amedî, xebatê ziwanî kena, semedê dîqet biancîyo serê girîngîyê ziwan de verê xo dabi dewan û semedê tutan şahî organîze kenê. MED-DER çarçewaya bernameyê xo de çar qezayê Amedî de bi tutan dir kom bî û bernameyê tewir bi tewir kerdî. Hemsereka MED-DERî Şîlan Elmaskan derheqê bernameyî de ajansê ma rê qisey kerd.

	&nbsp;

	Şîlane dîyar kerd ke ê bernameyê xo çarçewaya xebatê xo yê 15ê gulane dabî destpêkerdene û wina vat: "Semedê ke ma dîqet biancê serê girîngîyê ziwan û dewlemendîyê ziwanê kurdkî ma na xebate da destpêkerdene. Sewbîna seba vernîgirewtişê asîmîlasyonê ziwanê kurdkî xebata ma gamêk girîng a. Semedê ziwanê kurdkî ziwanêk fermî nêyo, bi asîmîlasyonî dir rî bi rî maneno. Ma waşt ke ziwan û neteweyê xo mîyanê komelî de tewr gane bikerê."

	&nbsp;

	'Ma waşt dîqet biancê serê tîpê kurdkî'

	&nbsp;

	Şîlane wina qalê xebate kerd: "Verê &nbsp;her çî ma waşt ke dîqet biancê serê tîpê kurdkî. Hem semedê kurmancî hem zî semedê dimilkî ma perwerde da. Dewê ke bi kurmancî qisey kenê û dewa ke bi dimilkî qisey kenê ma weçîna û waşt înan beşdarî bername bikerê. Ma û embazê kulturî pîya xebate bikerê. Ê tutan rê &nbsp;rîtmê xoza bimusnê. Rîyê înan boyax kerdî. Înan bi kilamanê kurdkî musnayî, pîya resim viraştî. Peynî de zî bi rîtmê xozayî kilamanê xo vat."

	&nbsp;

	'Helwestê tutan xeylêk bi kêf û coş bi'

	&nbsp;

	Şîlane dewam de wina vat: "Tutan bi kêf û coş tewrê bernameyan bî. Tîya de tîpê kurdkî bî û zaf çî musayî. Sewbîna şahîyêk mîyanê xoza de bî zî,zaf kêfê tutan ard. Tutan ma ra vatêne, 'Tena reyke ney, her wext bêrê tîya.' Tutî bi nêzdîbîyayîşê xo waştêne bi ziwanê kurdkî perwerde bibê. Waştêne ke bi kurdkî biwanê û binusê zî."

	&nbsp;

	'Xebatê ma do dewam bikerê'

	&nbsp;

	Şîlane tewr peyîn wina vat: "Tena 4 dewan de xebate ameye kerdene. La do xebatê ma yê winasî dewam bikerê. Goreyê demî ma do reyna xebatanê tewir bidê destpêkerdene. Ma do serê girîngîyê ziwanî de vinderê û her wext rojeve de vedê."

	&nbsp;