Cinî bi arêdayîşê kinêran debara xo kenê

2021-06-29 13:16:10


	 

	Medya Uren 

	 

	MÊRDÎN - Îpek Yilmaz, bi arêdayîşê kinêran debara xo kena, dîyar kerd ke aye bi keda destê xo debara xo kenê û vat: "Ma bêmabên xebityenê û kede danê. Gama fersendê wina kewenê destê ma, no zî ma rê beno temînatêk. Semedê çi heyf, ma cayêk bîn ra paştdayîş nêgênê. Ez heta şan de binê tîjî de karê arêdayîşî kena û bi keda destê o debara xo û keyeyê xo kena."

	 

	Kinêr bi rayîrê aşî açêrênê încaz û gilyazan. Kal û pîrê ma semedê derman zî xebitnayê. Bi taybetî 20 serrî peyînî başîye dara kinêr ame zanayene û nika dermanê tibî de yena xebitnayene. Îthalatê înan yeno kerdene. Welatijê ke kinêr roşenê welatê xerîban, bi nê rengî debara xo kenê. Îpek Yilmaz zî nê cinîyan ra yew a ke bi karê arêdayîşê kinêran eleqedar bena û debara xo kena. Îpeke dewa Barmanî ra ya vana, a zî dewe de bi nê daran debara xo kenê û eşkenê serê lingê xo de vinderê."

	 

	'Bi keda destê xo debara xo kena'

	 

	Îpeke dîyar kerd ke aye bi keda destê xo debara xo û keyeyê xo kena û vat: "Ma xora bêmabên xebityenê û semedê ekonomî kede danê. Dema fersendê wina kewenê destê ma zî ma rê beno temînatêk. La çi heyf cayêk bîn ra ma paştdayîş nêgînê yan zî fersend nêdanê ma. Ez yena tîya heta şan binê tîjî de karê arêdayîşî kena û bi keda destê xo debara xo û keyeyê xo kena. No zî mi kêfweş keno."

	 

	'Îthalatê kinêrî zî yeno kerdene'

	 

	Îpeke wina dewam kerd: "Verênê ma kinêr sey dejbirnaye xebitnayene. Semedê problemê made, şekir, serdej û dejê pîzî ameyîne xebitnayene. Pîrîka mi ê sey dims viraştêne û dayîne kesê ke nêweş kewtê. Yan zî roje de 2 lib werdêne. Fêkîyêk zaf tehl a û dej birnena. Welatê xerîbî zî dermanê ma nas kerdê û dermanê tibî de xebitnenê. Çend serrê peyînan de zî îthalatê ci beno. Ma ramenê, kom kenê, verê tijî de wişk kenê û roşenê. Dima ra şino welatî xerîbî."

	 

	'Lazim o no kar tewr zêde bêro kerdene'

	 

	Îpeke tewrpeyîn wina vat: "No tena ney, bi seyan vaşî estê ke verê ma de sey derman ameyîne xebitnayene û nika zî viraştişê dermanê tibî de yenê xebitnayene. Nê kinêrî zî bi erj bî. Ma kîloyêk bi 25 lîrayî tirkî roşenê. No semedê ma qezencêk o. La goreyê mi lazim o tewr zêde no kar bêro kerdene."