
Nobeta 'Edaletî' roja 106ine de ya, hukm ame rexnekerdene

2021-06-22 13:58:25


	&nbsp;

	RIHA - Emîne û Ferît Şenyaşar yê ke 106 rojî yo semedê edaletî nobete gênê, parekerdişê serê hesabê xo yê dîjîtalî de hukm rexne kerdî.

	&nbsp;

	Çalakîya nobeta “Edaletî” ya Keyeyê Şenyaşarî roja 106ine de verê Edlîyeyê Rihayî de dewam kena. Emîne û Ferît Şenyaşar serê siba ameyî verê edlîye û sey her roje dowîzê xo yê nuşteyê, "Dayîkêk bi 106 rojî yo verê Qesra Edaletî de nobete gêna. Di lajê ci û mêrdeyê ci nêweşxane de ameyî qetilkerdene. &nbsp;Semedê nê qirkerdişî de nameyê parlamenterî esto bi 3 serrî yo dewa nîna akerdene" ser de amebî nuştene, dayî cayê nobete û dest bi nobete kerdî.

	&nbsp;

	Keyeyî serê hesabê xo yê twittirî de vîdeoyê roja 101ine de Dayîkê Aştîye amebî serdayîş pare kerd. Parekerdiş de hesabê Wezîrê Dade Abdulhamit Gul, Wezaretê Dade, Partîya Şaran ê Cumhuriyetî, Partîya Saadetî, Weqfê Heqê Merdiman ê Tirkîya, Heyetê Pêroyî yê Meclîsî ameyî etîketkerdene û wina ame vatene: "Merdimî her roje bi nê sewtî kewenê Qesra Edaletî ya Rihayî. Heme kesî dewa zaf baş zanê. Hukm hemverê kesê hêzdaran de bejnê xo tewêneno, veng ci ra nêno."

	&nbsp;