
Nobeta 'Edaletî' 82 rojî yo dewam kena 

2021-05-29 15:50:35


	&nbsp;

	&nbsp;

	RIHA - Emîne û Ferît Şenyaşar yê ke nobeta xo ya "Edaletî" semedê sînordarkerdişê tebervejîyayîşê keyeyî çalakîya xo dewam kenê.

	&nbsp;

	Nobeta “Edaletî” ya Keyeyê Şenyaşarî ke 3 ferdê ci hetê Parlamenterê AKPyî yê Rihayî Îbrahîm Halîl Yildiz ra ameyî qetilkerdene roja 82yîne de dewam kena. Emîne û Ferît Şenyaşar yê ke nobeta xo ya "Edaletî" dewam kenê, semedê sînorkerdişê vejîyayîşê teberî keye de çalakîya xo dewam kenê.

	&nbsp;

	Keyeyî serê hesabê xo yê medyaya dîjîtalî de Meclîsê Platformê Demokrasî û Kede ya Amedî ke vizêr înan verê edlîye de zîyaret kerdîbî, spas kerdî û vatî: "Heq, huqûq û edalet binê lingan de yeno pelçiqnayene. Herkes nê vîneno. Kesê ke zulm kenê, roja dayîşê hesabî înan yê muhakemeyî nêzdî yo. Do pêro dinya qirkerdişê Nêweşxaneyê Dewlete ya Pirsûsî temaşe bikerê."

	&nbsp;