
Adirê bi herêma Dêrsim û Gabarî kewt, dewam keno 

2021-05-24 14:13:42


	&nbsp;

	ŞIRNEX DÊRSIM - &nbsp;Adiro ke vizêr bi çoltarê dewa Deşta Lela ya qeraxê koyê Gabarî kewt, her ke şino gûr beno. Semedo ke şewato heta nika zêdeyêr 20 hezar donim baxçe, zîyan û darî veşayî. Sewbîna adirê herêma Dêrsimî kewto zî dewam keno.

	&nbsp;

	Adiro ke vizêr kewt çoltarê dewa &nbsp;Deşta Lela ya qeraxê Koyê Gabarî kewt hema dewam keno. Adirê bi herême kewt hema dewam keno.

	&nbsp;

	Goreyê zanayîşê dewijan ra ame girewtene, 20 hezar donim zêdeyêr baxçe, zîyan û darî veşayî. Adiro ke dewam keno hetê selahîyetdaran nîno tefênayê. Dewijê hereme bi îmkanê xo hewl danê adir bitefnê.

	&nbsp;

	Adirê Dêrsimî dewam keno

	&nbsp;

	Dêrsim de şewato ke operasyon de dest pêkerdbi dewam keno. Şewatî rê mudaxele nêno kerdene.

	&nbsp;

	Mabênê qezayanê Pulur, Xozat û Çemişgezekî yê Dêrsimî de dewa Kozkuçla de leşkeran 20ê gulane de operasyon dabi destpêkerdene. Operasyonî reyde herême de şewat dest pêkerd. Goreyê zanayîşanê ke dewijan ra ameyî girewtene leşkerî seba hewnakerdişê şewatî qet tênêgêrenê.

	&nbsp;

	Federasyonê Komeleyanê Dêrsimî (DEDEF) hesabê xo yê medyaya dîjîtale ser o mesajêk da û vat: ''Şewat cuya herême rê gef waneno. Ganî cade şewatî rê mudaxele bêro kerdene û gandarî bêrê pawitene.''Walîtîya Dêrsimî şewatî ser o qet eşkerayîyêke nêdaye. 9ê gulane de zî heman herême de şewatêkî dest pêkerdbi û bêmudaxele 6 roşan ra dima şewat xo bi xo hewna şibi."&nbsp;

	&nbsp;