
Koma 36ine çalakîya grevê vêşanîye dewr girewt 

2021-05-21 14:40:03


	&nbsp;

	MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene, koma 36ine dewr girewt û roja 176ine de dewam keno.

	&nbsp;

	Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, dewrgirewtişê koma 36ine dir grev roja 176ine de dewam keno.

	&nbsp;

	Heto bîn ra Parlamentera Parîya Demokratîke ya Şaran (HDP) Dêrsim Dag, Semra Guzel, Remziye Tosun derheqê binpêkerdişê heqê yê Sazgehê Înfazî yê Cezaya Amedî vizêr muracatê Komisyonê Heqê Merdiman kerd. HDPyijan muracatê xo de binpaykerdişê &nbsp;raporê Komeleya Huqûqnasan ê Azadan (OHD) ca girewtene neql kerd. Rapor de amebi neqlkerdene ke her wext bi ser koguşan de yenê girewtene, tepişteyan kuyenê, dest danê serê hacetan, semedê tepişteyê grevê vêşanîye sole, şekir, lîmon, vîtamîn nînê dayene. Sewbîna cezaya dîsîplînî yê kêfî yenê dayene, hîn kovar, rojname û kitabî yenê qedexekerdene.&nbsp;

	&nbsp;

	Yunanîstan de grev dewam keno

	&nbsp;

	Heto bîn ra Kampa Lavrîo de zî hemverê tecrîdê serê Rayberê PKKyî Abdullah Ocalan û bi amancê paştdayîşê çalakîya zîndanan çalakîya grevê vêşanîye amebî destpêkerdene. Çalakî roja 138ine de dewam kena. Çalakî bi rayberîya Tevgerê Cinîyê Kurdistanî yê Ewropa, Merkezê Kulturî ya Kurdistan û Tevgerê Ciwanê Şorişgêr (TCŞ) de dewam kena.

	&nbsp;