
Dewaya Qirkerdişê Sîyasî yê Kobanê dewam kena 

2021-05-20 15:41:00


	&nbsp;

	&nbsp;

	ENQERE - Roniştişo diyîn ê Dewaya Kobanê ya ke 28ê ci tepişteyî 108 sîyasetmedarî tede yenê muhakemekerdene dewam keno.

	&nbsp;

	Roniştişo diyîn ê Dewaya Kobanê ya ke 28ê ci tepişteyî 108 sîyasetmedarî tede yenê muhakemekerdene Mehkemeya Cezaya Girane ya Anqara de Kampusê Zîndanê Sîncanî de dewam keno. Roniştişî pê pawitişê wekîla verêne ya HDPyî Ayla Akat dest pêkerd.

	&nbsp;

	Pisporê Delegasyonê Tirkîya yê Yewîya Ewropa (YE) û temsîlkarê dîplomatîkî yê Yewîya Ewropa dewa teqîb kenê.&nbsp;

	&nbsp;

	Bi seyan avûkatî beşdar bî

	&nbsp;

	Hemserekê HDPyî Mîthat Sancar, Hemserekê Kongreya Komelê Demokratîkî (KCD) Berdan Ozturk, Hemserekê Pêroyî yê DBPyî Salîha Aydenîz û Keskîn Bayindir û xeylêk wekîl û îdarekarê HDPyî û rêxistinê cinîyan dewa teqîb kenê.

	&nbsp;

	‘Cigêrayîşê bomba ame kerdene’&nbsp;

	&nbsp;

	Roniştişî ra verî pê bahaneya 'cigêrayîşê bomba' avûkat û rojnamegerî ameyî vindertene la nêrazîbîyayîşî ra dima şîyî zereyê salone.

	&nbsp;

	Fîgen Yuksekdag bi SEGBÎS beşdar bî

	&nbsp;

	Selahattîn Demîrtaş tewrê roniştişî nêbi. Fîgene Yuksekdag, Sureyya Onder, Gultane Kişanaş, Zeynepe Olbecî pê rayîrê SEGBÎSî tewrê roniştişî bîyî.&nbsp;

	&nbsp;

	Hîn sîyasetmedarî eywane de amade yê

	&nbsp;

	Hemsereka verêne ya DBPyî Sebahate Tunceş, Wekîla verêne Ayla Akat Ata, îdarekarê verênî yê HDPyî Emîne Beyza Ustun, Pervîne Oduncu, Ayşe Bagci, Sîbele Akdenîz, Bîrcane Yorulmaz, Berfîne Ozgu Kose salona roniştişî de amade bîyî.

	&nbsp;

	Roniştiş bi pawitişê Ayla Akat Ata dest pêkerd

	&nbsp;

	Ayla Akat Ata verî ard ziwan ke seba ke polîtîkaya asîmîlasyonî ra aye pê ziwanê xo yê dayîke kirdkî (kirmanckî) perwerde nêdîya nêeşkena pê ziwanê xo pawitişê xo bikera. Ayla Akat vat coka a her ferdê kurdan ra uzrê xo wazena.

	&nbsp;