Hemsereka MEBYA-DERî Gulîstan Onver ameye destbendkerdene 

2021-05-19 15:47:38


	 

	 

	WAN - Wan de sereştişê keyeyan de Hemsereka MEBYA-DERî Gulistan Onver zî mîyan de xeylêk kesî ameyî destbendkerdene.

	 

	Wan de saetê dorê 05.00î de serê sibayî de polîsan eşt serê keyeyê Hemsereka Komeleya Kultur, Yewîye, Paştdayîşî û Hetkarîya Keyeyê ke Merdimê xo Dergûşê Şaristanî Vinî Kerdê (MEBYA-DER) Gulîstan Onver û xeylêk kesê bînî ameyî destbendkerdene.

	 

	Polîsan nêzdîyê 2 saetan keyeyê  Gulîstane de cigêrayîş kerdî û dimayê cigêrayîşî Gulîstane zî xo dir berdî û şî awanîya MEBYA-DERî û uca de zî cigêrayîş kerdî.

	 

	Ame dîyarkerden eke dimayê cigêrayîş qedîyayo Gulîstane berdê Mudurîyetê Polîsan ê Wanî. Kesê ke Hemsereka MEBYA DERî Gulistan Unvere dir ameyî destbendkerdene û nameyê înan eşkera bî wina yê: Endama Îdarekarî Ceyda Dîndar, Mahmut Dîndar, Îsa Demîragaç û Nuhî Alici.  

	 

	Goreyê zanayîşê ke ameyî girewtene kesê ke ameyê destbendkerdene do 4 rojan destbendkerde bimanê.