
Parlamenterê HDPyî semedê Pêkerdişê Stenbolî rayrayîş kerdî 

2021-05-11 16:40:43


	&nbsp;

	&nbsp;

	STENBOL - Parlamenterê HDPyî bi minasebetê serrgera 10ine ê Pêkerdişê Stenbolî de Kuçeyê Îstîklalî de ryrayîş kerdî û dîyar kerdî ke ê do fek pêkerdişî ra vera nêdê û kuçeyan de vatişê xo dewam bikerê.

	&nbsp;

	Parlamenterê Partîya Demokratike ya Şaran (HDP) Zuleyha Gulum, Dîlşat Canbaz, Oya Ersoy û Serpil Kemalbay bi minasebetê serrgera

	&nbsp;

	10in Pêkerdişê Stenbolî de Kuçeyê Mîsî yê serê Kuçeyê Îstîklalî de ver bi Meydanê Galatasarayî de rayrayîşêk kerdî. Rayrayîş de parlamenteran pankartê ke nameyê 106 cinîyê ke ameyê qetilkerdene, akerdî.

	&nbsp;

	'Ma do vatişê xo kuçeyan de vajê'

	&nbsp;

	Rayrayîş de Zuleyha Gulum vat, semedê Pêkerdişê Stenbolî do kuçeyan de vatişê xo vajê. Serpîl Kemalbay zî dîyar kerd ke eke pêkerdiş biameyîne kerdene nika xeylêk cinî sax bîne û vat: "Nê welatî de demvîyarte rayîrê qirkerdişî serê cinî de akeno û sewbîna semedê girêdayîşê kravate, kiştoxê cinîyan xeylêk rey ameyê veradayene. Pêkerdişê Stenbolî bi têkoşînê cinîyan vejîyayo werte, îqtîdar wazeno ke wedarno."&nbsp;

	&nbsp;

	Oya Ersoy zî îfade kerd ke ê nêtersenê, îteat nêkenê û do xo ver bidê.

	&nbsp;

	Gama ke ameyî Meydanê Galatasarayî de Zuleyha wina vat: "Netîceyê polîtîkayê îqtîdar de xeylêk cinî ameyî qetilkerdene la ma hûmara înan nêzanê. Vera nê cinîyê ke semedê azadî têkoşîn kenê, yenê tepiştene. Camêrdê ke cinîyan qetil kenê yenê veradayene la cinîyê ke xo pawenê bi şîdetî dir yenê rî bi rî. Bi taybetî şîdet serê cinîyanê kurdan de zêde beno. Ma do wayîrê &nbsp;pêkerdişî vejîyê û semedê caardişê pêkerdişî her tewir rayîr taqîb bikerê. Ma do têkoşînê azadîya cinîyan bidê ciwîyayîş."

	&nbsp;