Kesêke vengê Nûrane bieşnawo esto gelo? 

2021-05-03 09:02:42


	 

	Hîkmet Tunç - Esra Onver

	 

	WAN - Nuran C. ke semedê şîdetê sîstematîkî dewaya veradayene akerd, dîyar kerd ke pêwa qerarê pawitiş û dûrvistişî esto zî yena tehdîdkerdene. Nurane bi vatişê sey, ‘Gelo dimayê ke mi verê çimanê tutanê mmi de bikişo, do dewlete hetkarî bikera' bêçaretîyê xo ard ziwan û sewbîna wina vengdayîşê; mi bieşnawê, ez nêwezana bimira, kerd.

	 

	Bi qerarê feshkerdişê Pêkerdişê Stenbolî dir pêro wareyê cuye de şîdetê serê cinîyan dewam keno. Wan de roportajê ma yê kuçeyê derheqê krîzê ekonomî de Nuran C. bi vatişê sey, ‘ez zî dayîk a, cinî ya, gelo kesê ke vengê mi bieşnawo esto?' Rewşa xo qal kerd. Nurane dîyar kerd ke 25 serrî yo zewicnayene ya û rastê şîdetê sîstematîk ameya û bi 11 mengî yo dewaya veradayîşî akerda, dewam de ya.

	 

	'Gelo dimayê ke mi bikişo do destek bêro dayene?'

	 

	Nurane dewam de çîyê ke ameyê sereyê ci vat û dîyar kerd ke hemverê şîdetê ke vînaya heme sazgehê dewlete rê muracat kerda l atu destek nêgirewta û wina vat: "Ma wa peynîya mi zî biba sey ya Emîne Bulut? Gelo dimayê ke mi verê çimanê tutanê mi de bikişo, do dewlete bêra cenazeya mi wedarna?"

	 

	'Pêro berê rîyê mi de ameyî padayene'

	 

	Nurane nê çî vatî: "Ez nika sewîyeya veradayîşî de ya. Ez dayîka tutan a. Ez şîya weqfê hetkarîyê komelî, semedo ke kaxidê min ê veradayîşî çinbi vatî, 'ma hetkarî nêdanê.' Ez şîya verê pêro beran. La kesî hetkarî nêda. Ez kîra de ya. Çir ahetkarî nêdanê? No nêheqîyêko pîl o. Bi rastî nêheqîyêko pîl o. Kes vengê mi nêeşnaweno la wexto ke sucêko edlî bibo, dewlete hema newe mudaxale kena. Wexto ke cinî mexdur benê, dosya her wext bin de manenê."

	 

	'Ez nêwazena bimira'

	 

	Nurane dîyar kerd 25 serrî zewacê xo de her tim rastê şîdetî ameya û  11 mengî yo dewaya veradayîşî akerda û vat: "Pêwa qerarê dûrvistişî esto, mi tehdîd keno. Waştişê min ê pawitişî esto. La çi heyf, her tim ez binê tehdîdî de ya. Pawitiş û dûrvistiş feyde nêkeno. Telefon akeno û mi tehdîd keno. Vano ez o dayîka to qetil bikera. Na rewşe de mi dewlete ra tu paştdayîşêk nêgirewt."

	 

	Vengdayîşê hîsgêrî

	 

	Nurane sewbîna bale ant serê rewşa xo ya ekonomî û vat, kîra de ya û semedê pandemî problemê debare ciwîyena û wina qedêna: "Vengê mi bidê eşnawitiş. Ez nêwazena bimirî. Wa cinî nêmirê. Ma şîdet ra vajê, êdî bes o. Ez vengdayîşê hîsgêrî sazgehan rê kena."