
Şemzînan de tutêk ame destbendkerdene 

2021-04-29 15:27:43


	&nbsp;

	&nbsp;

	COLEMÊRG - Şemzînan de tutêk bi bahaneyê “parekerdişê medyaya dîjîtalî' de hetê polîsan ra ame destbendkerdene.

	&nbsp;

	Taxa Bêdarî (Moda) ya qezaya Şemzînanî ya Colemêrgî de serê sibayî polîsan eşt serê keyeyê tutêkê 14 serrî û tut ame destbendkerdene. Sereştişê polîsan de cigêrayîşê keyeyî ame kerdene, ame zanayîş ke tut bi bahaneyê “Parekerdişê medyaya dîjîtalî” ra ameyo destbendkerdene.

	&nbsp;

	Goreyê zanayîşê ke ameyê girewtene, tutî berdê Mudurîyê Polîsan ê Şemzînanî û dimayê karê tutî Mudurîyê Polîsan de biqedîyo, do tutî sewqê Serdozgerîya Komara ya Şemzînanî bikerê.

	&nbsp;

	Sewbîna ame zanayîş ke tut lajê Hemserekê Partîya Demokratîke ya Şaran (HDP) ê qezaya Şemzînanî yê verê, Cabbar Taşî yo.

	&nbsp;