Amed de tecrîd ame şermezarkerdene 

2021-04-28 14:21:58


	 

	 

	AMED - Rêxistinê HDPyî yê Sûr û Yenîşehîrî waştî ke bi eşkerayîye bale biancê serê grevê vêşanîye, la eşkerayî hetê polîsan ra ameye astengkerdene. Sewbîna Parkê Koşûyolû yê Rêzanî zî pêwa astengîyê polîsan, çalakîya roniştişî ameye kerdene.

	 

	Rêxistinê Partîya Demokratîke ya Şaran (HDP) yê Amedî, Yenîşehîr, Rêzan û Sûr de semedê bale biancê serê tecrîdê hemverê Rayberê PKKyî Abdullah Ocalan û wayîrvejîyayîşê grevê vêşanîye de waştî çalakî organîze bikerê.

	 

	Rêxistinê HDPyî yê Rêzanê Amedî Parkê Koşûyolû de çalakîya roniştişî kerdî. Îdarekar û hemserekê rêxistinê HDP û Partîya Herêmê Demokratîk (DBP) yê Amedî, aktîvîstê Tevgerê cinîyan ê Azadan (TJA), endamê Komeleya Hetkarîya Keyeyê Tepişteyan û Hikumwerdoxan (TUAY-DER) û xeylêk welatijî tewrê çalakîye bî. 

	 

	Vernîya eşkerayî de polisan derûdorê girseyî kerd binê ablûqa. Dekewtişê parkî welatijan rê asteng kerd. Girse bi tilîlî, çepik û sloganan astengî şermezar kerdî. 

	 

	Sewbîna eynî wextî de Rêxistinê HDPyî yê Sûr û Yenîşehîrî zî waştî ke eşkerayî bidê la eşkerayî hetê ê polîsan ra ameye astengkerdene. Sewbîna dorê awanîyê HDPyî yê Sûr û Yenîşehîrî kerdî binê ablûqa.