'Heta temsîlkarîyê têduştî bi ca bêro do têkoşînê ma dewam bikero'  

2021-04-26 09:01:28


	 

	Şehrîban Aslan

	 

	AMED - Hîrê avûkatê cinî yê ke semedê endamîya Heyetê Îdarekarê yê Heyetê Pêroyî yê Asayî yê 47ine ê Baroyê Amedî ame weçînayene Hatîce Demîr wina vat: "Ez bi hêz û paştdayîşê têkoşînê cinîyan de ameya weçînayene. Heta ke temsîlkarîyê têduştî bi ca bêro, do têkoşînê ma dewam bikero."

	 

	Hewteyê vîyarte de Baroyê Amedî de 47ine weçînayîşê Heyetê Pêroyî yê Asayî bi ca ard û serekê Baroyî û endamê ci ameyî weçînayîş. Bi serekê baroyî dir 8 camêrdî ameyî weçînayîş û semedê endamîya heyetê îdarekarî zî 3 avûkatê cinî ameyî weçînayene. Sey xeylêk sazgeh, komele, partîyê sîyasî û STKyijan baroyan de zî ame vînayene ke temsîlkarîyê têduştî çiqas planê peynîye yo. Avûkate Hatîce Demîr semedê endemîya heyetî ameye weçînayene, dîyar kerd ke temsîlkarîyê têduştî komelî de zî semedê cinîyan sey heq nîno vînayene û tena no sey problemê cinîyan yeno vînayene.

	 

	'Ma her wext cayêke qelibnayene'

	 

	Hatîce dîyar kerd ke baro, rêxistinê heqî, STK, partîyê sîyasî û îdarekarîyê herêmî de serdestîyêke camêrdan ê pîl babeta vatişî ya û vat: "Tirkîya de 1970ine de heta nika cinî meydanê îstîmlakî, komelî û semedê heqê cinîyan têkoşîn danê. Camêrdan mabêne xo de têkilîyêke wina xurt awan kerdê ke yewbînan pawenê. Heto bîn ra meydanê îdarekarîyan de cinî her tim rastê astengîyan yenê, zehmetîyan ancenê. Na babete de bi taybetî têkoşînê ma cinîyan de tespîtê sîwaneyê cam esto. Bi rastî zî ma her çiqas têkoşînê heq û bîyayîşî zî vernîya ma de sîwaneyêk cam esto û ma gêneno ê camî ro. Semedê nê zî pêwa ke cinî zî têkoşînê heq de kîşte camêrdan de yê zî sewîyeya îdarekerdişî de camêrdî her wext tewr bi cesaret ê bi waştox ê."

	 

	'Ganî temsîlkarîyê têduştî bibo rojevê esas ê baroyan’

	 

	Hatîce dewam de wina vat: "Şîroveyê ke semedê camêrdan nînê kerdene, bi rehetî semedê cinîyan yenê kerdene. Nimûne; krîterê cinîyan yenê munaqeşekerdene, la yê camêrdan nînê munaqeşekerdene. Semedo ke camêrdî her mercî heq kenê. La semedo ke cinî bikewê ê cayan ganî hêzê xo îspat bikerê, astengîyan derbaz bikerê û kedêka pîl bidê. Ma nê heyetî de 5 endamê cinî bî. Embazêke ma lîsteyê serekeyî de bî. Xêrcê nê ma 4 cinî namzedê xoser bî. Ma ewnîyayîşê xo dîyar kerd ke ganî paştdayîş semedê pêro cinîyanbêro dayene. Coka ma xeylêk rastê hêrişan ameyî. Vatî şima pîya têgeyrenê. Vatî şima semedê cinîyan rayan wazenê, 15 namzedê camêrdî estê, do 10 kesî bikewê îdarekarî û no metod camêrdan erzeno plano peyîn. Ma zî vat, ganî temsîlkarîyê têduştî bibo babeta sereyîn ê baroyî.”

	 

	‘Rewşa baroyê herême zî xirab o'

	 

	Hatîce dîyar kerd ke prosesê weçînayîşî de paştdayîş û rêxistinbîyayîşêke cinîyan ê pîl estbi û vat: "Baroyê Amedî goreyê verê tewr baş o. La no qîm nêkeno. Baroyê Mêrdînî temsîlkarîyê têduştî bi ca ardo. La bi taybetî baroyê Sêrt, Şirnex, Wan û Rihayî de rewşe xirab a. Ez bi hêz û paştdayîşê têkoşînê cinîyan ra ameya weçînayene. Heta temsîlkarîyê têduştî bibo ez o têkoşîn bikera."

	 

	'Dimayê lebatê darbeyî barê ma giran bi’

	 

	Hatîce tewr peyîn wina vat: "Binê banê baroyî de komîsyon û merkezê ma estê. Ez bi serran o merkezê heqê cinîyan de bi embazan dir xebityena. Sewbîna dimayê lebata darbeyî, bi îlankerdişê OHAL û tayînkerdişê qayûman dir barê cinîyan giran bi. La dimayê têkoşînê cinîyan astengîyêke pîl virazya. Ma na babete de rêxistinbîyayîş û plansazîyêk kerd. Hedefo esas o bi ke semedê cinîyê ke rastê şîdetî ameyê, paştdayîşê huqûqî caardiş o. Ma semedê cinîyê ke wazenê fek mêrdeyê xo ra vera bidê, paştdayîşê huqûqî danê. Xêrcê nê dîyarkerdişê polîtîkayê têduştî, konferans û panel organîze kenê. Derheqê heqê cinîyan de rapor amadekerdiş û raya umumî dirparekerdiş ma kenê. Ma do embazan dir têkoşînê xo bi paştdayîş dewam bikerê."