
Emîne Şenyaşar keyeyê xo de çalakîya nobeta 'edaletî' dewam kena  

2021-04-23 14:36:07


	&nbsp;

	&nbsp;

	RIHA - Emine Şenyaşar û Ferît Şenyaşar semedê qedexeyê tebervejîyayîşê kuçeyan, çalakîya xo ya nobeta "edaletî" keye de roja 46ine de dewam kenê.

	&nbsp;

	Çalakîya nobeta edaletî ya Emîne Şenyaşar ke netîceyê hêrişê pawitox û merdimê Parlamenterê AKPyî Îbrahîm Halîl Yildız de mêrde û di lajê aye dinyaya xo bedilnayî û lajê aye Ferît Şenyaşar ke semedê Edaletî verê berê Edlîyeyê Rihayî de dabi destpêkedene, roja 46ine de semedê qedexeyê tebervejîyayîşê kuçeyan de keye de dewam kenê.

	&nbsp;

	Emîne û Ferît yê ke keyeyê xo yê Pirsûsê Rihayî de çalakîya xo dewam kenê, serê hesabê xo yê medyaya komelî de wina vatî: "Semedê qedexeyê tebervejîyayîşê kuçeyan de têkoşînê ma keye de dewam keno. Heyeto ke vano, wa qerarê nimteyî dosya dewam bikero beno hemkarê sucî. Ma do ewro bi rayîrê CÎMERî gerre bikerê."

	&nbsp;