
Keyeyê Şenyaşarî: Ma do xoverdayîşî ra fek vera nêdê 

2021-04-22 15:41:41


	&nbsp;

	&nbsp;

	RIHA - Emîne Şenyaşar û Ferît Şenyaşaro ke 45 rojî yo nobeta ‘edaletî’ de yê vera bira 'nimite' ya serê hêrişê nêweşxaneyî nêrazîbîyayîşê xo mojna û mesajê xoverdayîşî da.

	&nbsp;

	Emîne Şenyaşara ke laj û mêrdeyê ci hetê merdimanê Wekîlê AKPyî Halîl Îbrahîm Yildizî ra kişîyayî, lajê xo Ferît Şenyaşarî reyde 45 rojî yo verê Edlîyeya Riha de nobeta edaletî de ya.

	&nbsp;

	Emîne Şenyaşar û Ferît Şenyaşarî şewdir rew dest pê çalakîya nobete kerd. Keyeyî medyaya dîjîtale ser o eşkerayîyêke daye û vera bira 'nimite' ya serê hêrişê nêweşxaneyî nêrazîbîyayîşê xo mojna.

	&nbsp;

	Keyeyê Şenyaşarî dîmenê şiwaranê Emîne Şenyaşar par kerdî û vat: ''3 serrî verî Nêweşxaneyê Pirsûsî de 3 merdimî ameyî qetilkerdene. Ma waşt ke dosya ra bira nimite bêra wedaritene. La huqûqê ê xurtan waştişê ma qebul nêkerd.

	&nbsp;

	Nika dore dora Mehkemeya Qanûnê Bingeyî ya. Heta ke na mehkeme waştişê ma bîyara ca ma do xoverdayîşê xo rê dewam bikerê. Ma do tîya ra nêşorê.''

	&nbsp;