
Çalakîya grevê vêşanîye koma 30ine dewr girewt  

2021-04-21 14:38:51


	&nbsp;

	&nbsp;

	MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 30ine dewr girewt û roja 146ine de dewam keno.

	&nbsp;

	Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 30ine dewr girewt û grev roja 146ine de dewam keno.

	&nbsp;

	Avûkatanê Rayberê PKKyî Abdullah Ocalanî; Raziye Ozturk, Rezan Sarica, Faîk Ozgur Erol û Cengîz Yureklî semedê bi muwekîlê xo dir pêvînayîş bikerê, muracatê Serdozgeriya Komara ya Bursayî kerdî.

	&nbsp;

	Sewbîna Kampa Lavrîo de zî hemverê tecrîdê serê Rayberê PKKyî Abdullah Ocalan û bi amancê paştdayîşê çalakîya zîndanan çalakîya grevê vêşanîye amebî destpêkerdene. Çalakî roja 108ine de dewam kena. Çalakî bi rayberîya Tevgerê Cinîyê Kurdistanî yê Ewropa, Merkezê Kulturî ya Kurdistan û Tevgerê Ciwanê Şorişgêr (TŞC) de dewam kena.

	&nbsp;