'Riha de wareyê weşîye de ziwanêko bêtêduşt yeno xebityenaye'  

2021-04-21 13:38:21


	 

	 

	
		RIHA - Hemsereka SESî ya Rihayî Eylem Salar derheqê problemê şaristan û vîrusê korona ke zêde bîyo de qisey kerd û dîyar kerd ke bi vîrusî dir problemê weşîye yê bîyaye ameyê vînayene û wareyê weşîye de ziwanêko bêtêduşt yeno xebitnayene.
	
		 


	Hukmat prosesê vîrusê koronayî (Covîd-19) de her çiqas tay qedexeyan bîyaro zî dimayê demêke kem bi û derbazê prosesê normal bi. Dimayê normalbîyayîşî hûmara nêweşna zêde bî. Vîruso ke netîceyê polîtîkayê şaşî de zêde bi, polîtîkayê şaşî bî sebebê pîlbîyayîşê problemê wareyê weşîye de.

	 

	Riha de problemê weşîye bi koronayî dir tewr giran bi û şar kewt mîyanê endîşeyê pîlan. Problemê weşîye yê Rihayî xeylêk rey bi hemkarîya parlamenteran şi meclîs, la selahîyetdaran derheqê babete de gamêke nêeştî. Hemsereka Sendîkaya Xizmetê Komelî û Weşîye (SES) ya Rihayî Eylem Salar, derheqê problemanê Rihayî de ercnayîş kerd.

	 

	'Problemî tewr zêde giran bî' 

	 

	Eyleme dîyar kerd ke dimayê şerê Sûrîye dima bi multecîyê ke koçê Rihayî bî nufus resa 2 mîlyon û nîm û vat: “Riha de problemê betalî zêde bî. Problemê sey texrîbatê ekolojîk û karkerîya mewsîmî ame ciwîyayîş. Bi taybetî bi pandemî dir problemî tewr giran bî. Semedo ke xeylêk akademîsyenî nêweşxaneyê unîversîte ra ameyî îxrackerdene, kêmî zaf zêde ame ciwîyayîş. Nika embazê ma yê ke fîlyasyonî de xebityenê, hema zî aşî nêbîyê û bi a rewşe xebityenê."

	 

	'Başbîyayîşêke nêvirazîya'

	 

	Eyleme dewam de wina vat: "Serrêke verê Tirkîya de vakayo yewin ame vînayene. Pêwa ke serrêke ci ra derbaz bi zî hukmat wareyê weşîye de hema zî gamêke pozîtîf nêeşto. Pêro bar serê milê xebatkarê weşîye û welatijan ame barkerdene. Eke ewro hûmara nêweşan kêm bibo, no çî bi xeyrê wezaretî yo; bi xeyrê lebata kedkarê weşîye bîyo. Sewbîna îqtîdar her rey tesîrê pandemî nimneno. Ma kedkarê weşîye nê prosesî de bi xespkerdişê heqan dir rî bi rî mendî. Tedbîrê wareyê îstîmlakî de ameyî girewtene, wareyê weşîye de nêameyî girewtene."

	 

	'Ziwanêko bêtêduşt yeno xebitnayene'

	 

	Eyleme vat, semedo ke hacetê tibî û xebatkaran, welatî şinê şaristanê bînan û no zî yeno a mana ke welatî heqê weşîye ra feyde nêgînê û vat: "Ganî  xizmetê weşîye bêrê çareserkerdene. Nimûne; doktorê welidnayîşê cinîyan ê Nêweşxaneyê Cigêrayîşê Perwerdeyê  Rihayî de xebityayîne, nîmeyê înan îstîfa kerdî û şaristan ra şî. Şert û mercê xebatan nîno başkerdene û do nê îstîfayî dewam bikerê. Riha de doktorê welidnayîşî û tutan zêde çin ê. Welatîyê Sûrîyeyîjî xismetê weşîye ra baş feyde nêgînê. Semedo ke têmîyanbîyayîşê wareyê weşîye de problemê ziwanî û semedo ke multecî sey bar yenê vînayîş, ma ziwanêko bêtêduşt yo ke yeno xebitnayene vînenê."

	 

	'Şaristan de hûmara welidnayîşî zêde yo'

	 

	Eyleme vat ke hûmara welidnayîşî xeylêk zêde yo û xeylêk zî wareyê weşîye de xizmet nêgînê û wina qedêna: "Semedo ke weşîye biba komelî, cinîyan dir pêvînayîş eşkeno bêro kerdene. Ganî her herême de xebatkarê anatomî bêrê resnayene. Bi no hawa problemî eşkenê bêrê ziwan û vernîya probleman bêro girewtene. Binê banê şaredarîyan de eşkenê mektebê weşîye abikerê. Karkerê demsalî cayê ke xebityenê de probleman ciwîyenê. Ganî bi ziwanê dayîke xizmetê weşîye bêro dayene."