
Kumruya ke şiwanî kena amadekarîyê ke şêro zozanan kena 

2021-04-20 13:25:36


	&nbsp;

	&nbsp;

	WAN - Kumru Komî, bi germbîyayîşê hawayî dir xo amade kena ke şêro zozanan, semedo ke êmê pesê aye qedîyayo taxe de pesê xo çêrnena.

	&nbsp;

	Bi ameyîşê wisarî dir welatijî mewsîmê hamnanî de zozanan de derbaz kenê, nika semedê êmê pesê înan qedîyayo, hewl danê ke taxan de pes biçêrnê. Qezaya Artemîtî ya Wanî de taxa Supha de, Kumru Komî hewl dana ke pesê xo ersayê veng yê pey nêweşxaneyî de biçêrno.

	&nbsp;

	Hamnanî tena dewa de manenê&nbsp;

	&nbsp;

	Kumru dîyar kerd ke serrê 90ine de dewa Tureşanî ya Ebaxê Wanî ra koçê taxa Suphan ya Artemîtî kerdê û vat, nêzdîyê 10 serrî pesdewarî dir eleqedar nêbîyê. Kumruye dîyar kerd ke netîceyê ferzkerdişê sîstemê qorîcîtî ra dewa xo ra vejîyayê û beşêke pesê xo rotê û vat: "Ma tena bi weykerdişê pesî debara xo kerdêne. Ma qerar da ma reyna pes bigîrê. Ma waşt ke ma agêrê dewe la îmkanan dest nêda. Ma hamnanî tena şinê. Dewa ma hema zî herêma qedexekerde ya. Ma şinê dewa Xumarî ya girêdayê qeza."

	&nbsp;

	'Her ca çop o û pes mird nêbeno'

	&nbsp;

	Kumruye wina vat: "Ma bi ameyîşê wisarî dir şinê zozanan. Hema hawa baş germ nêbîya. Mengê zimistanî derg ê. Ma mecbur ê pesê xo demêko derg axuran de wey bikerê. Vayîye ci zî zêde bîyo. Wexto ke qedêno ma mecbûr pesê xo taxan de çêrnenê. La her ca çop o û pes mird nêbeno."

	&nbsp;

	'Bar pêro serê milê cinîyan de yo'

	&nbsp;

	Kumruye dewam de wina qal kerd: "Verê bi rojan ma rayîr de şîne. Nika ma bi kamyonan şinê. Pêro bar serê milê cinîyan de yo. La zehmet bo zî pesê xo ra hes kena. Cuya dewe şaristanî ra tewr weş a. Ma bêrîvanî kenê. Ma şitê ke kom kenê zî semedê zimistanî amadekarî kenê. Ma penîr û mast viraznenê. Zimistan m awina derbaz kenê."

	&nbsp;

	'Teda bi ma kenê'

	&nbsp;

	Kumruye tewr peyîn qiseykerdişê xo de dîyar kerd ke wexto ke dewe de şinê antişê pesî, qerekole teda bi înan kena û vat: "Qerekole dewe ra dûr bo zî mîyanê roje de wexto ke ma şinê bêrî, nasnameyan kontrol kena. No ma zaf aciz keno. Ma binê tedayê leşker û qerekole de yê. La no vernîya ma nêgîno. No zulm bi serran o dewam keno. Ma wazenê zulm peynî bo."

	&nbsp;