Cinîyan ê HDPyî bi heyetê Danîmarka reyde serê onlîne de ameyî têhet 

2021-04-16 14:40:38


	 

	 

	ENQERE - Komîsyonê Dîplomasî yê Cinîyan ê HDPyî endamanê Parlamentoyê Danîmarka reyde kombîyayîşêko online kerd.

	 

	Komîsyonê Dîplomasî yê Cinîyan ê HDPyî endamanê Parlamentoyê Danîmarka reyde kombîyayîşêko online kerd. Vervatoxa Meclîsê Cinîyan ê HDPyî Ayşe Acar Başaran, Vervatoxa Komîsyonê Dîplomasî yê Cinîyan ê HDPyî û Hemvervatoxa Masaya Rojheletê Mîyanênî Gulîstane Kiliç Koçyîgît, Hetkara Hemserekanê Pêroyînan ê Tekîlîyanê Teberî ra Berpirsîyare Feleknase Uca û Endama Komîsyonê Tekîlîyanê Teberî Ayşe Berktay tewrê kombîyayîşî bîyî. Parlamentoyê Danîmarka ra zî Sîneme Demîr, Anne Hegelund û Maria Temponeras tewrbîyayoxanê Danîmarka rê serkêşîye kerd.

	 

	'Ganî ma pêkerdiş pîya bipawê'

	 

	Ayşe Acar Başaran ke kombîyayîş de qisey kerd û vat: ''Qerarê betalkerdişê Pêkerdişê Stanbolî tena Tirkîya eleqedar nêkeno. Ganî ma her ca de vera zîhnîyetê nerî mucadeleyê enternasyonalî yê cinîyan pîl bikerê.'' Feleknase Uca zî vat: ''Pêkerdişê Stanbolî pê têkoşînî ame destfînayene coka dahîna zaf muhîm o. Ganî ma pêro pîya wayîrê nê pêkerdişî vejîyê.''

	 

	Kombîyayîş de ame vatene ke Pêkerdişê Stanbolî ra heta tecrîdî ganî binpaykerdişê heqan pêro pîya bêrê destgirewtene û derheqê înan de xebatê hîrayî yê enternasyonalî bêrê kerdene.