
3 cinîyê ke ameybî destbendkerdene ameyî tepiştene

2021-04-12 13:03:16


	AMED - Cinîyê ke 5ê nîsane de bi operasyonê sîyasî Amed de ameybî destbendkerdene, bi idiayê “endamîya rêxistine" ra ameyî tepiştene.

	Polîsan Amed de sereştişê keyeyan ê 5ê nîsane de 26 cinî destbend kerdibî. Nê cinîyê Aktîvîstê Tevgerê Cinîyan ê Azadan (TJA) Zelal Bîlgîn, endama Meclîsê Şaredarîya Bajarê Girdî ya Amedî Bahar Karakaş Ûlûg û Rabîa Tekas vizêr dimayê karê îfadeyan ê Mudurîyetê Polîsan ê Amedî sewqê edlîye ameyî kerdene. Dadgehe Zelal, Bahar û Rabîa bi îdiayê “endamîya rêxistine” tepişt û erşawitî Zîndanê Cinîyan ê Amedî.

	&nbsp;

	Çarçewaya cipersayîşê Serdozgerîya Komare ya Amedî de, 5ê nîsane de derheqê 33 cinîyê temsîlkarê rêxistinê cinîyan û partîyê sîyasî mîyan de qerarê destbendkerdişî vetibi û sereştişê keyeyan de 26 cinî ameybî destbednkerdene. Cinîyê ke bi hawayê komî sewqê dadgehe ameyî kerdene, Hemşaredara Çinarî Necla Tamrîş, Hemsereka DBPyî ya Amedî Seval Gulmez, Endama Akademîya Cinîyan ê Amedî Fîgen Aras, Endama Heyetê Îdarekarê Merkezî (MYK) ya Meclîsê Cinîyan ê Sosyalîst (SKM) Satiye Ok, Leyla Akgul, Ayşen Kanûş, Nûrşen Akbal û Şehrîban Zûgûrlî bi îdiayê “endamîya rêxistine” ameybî destbendkerdene û hepsê keyeyî dabî Dayîka Aştîye Nezahat Teke. Muxabira ma Berîtan Canozer zî mîyan de 14 cinî bi şertê kontrolê edlî ameybî veradayîş.

	&nbsp;