Cinîyê ke Zîndanê Alanyayî de yê cezaya hucreyî dîya înan 

2021-04-12 12:48:55


	 

	 

	ANTALYA - Cinîyê ke Zîndanê Alanyayî yê Tîpa Lyî de yê, semedo ke kewtê grevê vêşanîye, cezaya hucreyî ameye dayene.

	 

	Çalakîya grevê vêşanîye yê hemverê tecrîdê serê Rayberê PKKyî Abdullah Ocalan û binpaykerdişê heqê zîndanan ke 27ê teşrîna peyêne 2020 de zîndanê Tirkîya û herême ameybî destpêkerdene, dewam kena. 4 cinîyê zîndanê Alanyayî yê Tîpa Lyî de manenê, semedê ke dest bi çalakîya grevê vêşanîye kerdê 11 rojî cezaya hucreyî ameye dayene.

	 

	Goreyê zanayîşê ke merdimê tepişteyan ra ame girewtene, tepişteyan semedê cezayê verî ke ameyê dayene îtiraz kerdê labelê Dozgerîyê Zîndanî îtiraz red kerdo. Keyeyî vatî ke cezaya hucreyî yê 2 tepişteyê cinîyan xelas bîya. Di tepişteyê bîn zî ê do hewteyêke bîn cezaya înan yê hucreyî bidê.