
Avûkatanê Abdullah Ocalanî semedê pêvînayîşî muracat kerd 

2021-04-07 15:25:24


	&nbsp;

	AMED - Avûkatanê Rayberê PKKyî Abdullah Ocalanî seba ke muwekîlê xo bivînê reyna muracatê Serdozgerîya Komare ya Bursa kerd.

	&nbsp;

	Avûkatanê Rayberê PKKyî Abdullah Ocalanî Rezane Sarica, Faîk Ozgur Erol, Cengîz Yureklî û Serbay Koklu seba ke muwekîlê xo reyde pêvînayîş bikerê, reyna muracatê Serdozgerîya Komare ya Bursa kerd.

	&nbsp;

	14ê adare vilabîyayîşê îdîayanê derheqê weşîya Ocalanî ra nata avûkatan, wasî û keyeyî 13 reyî muracatê Wezaretê Edaletî û Serdozgerîya Bursa, 2 reyî zî muracatê CPTyî kerd.

	&nbsp;

	Pêvînayîş nimcet ame birnayene

	&nbsp;

	Bi bahaneya 'Xerîtaya Rayîrî' ya Ocalanî ya ke 2009 de erşawitbi Mehkemeya Heqanê Merdiman a Ewropa (MHME) pêvînayîşî ameyêne astengkerdene. Qedexe 23ê adare de qedîya la cewab nêdîya muracatê avûkatan.

	&nbsp;

	Abdullah Ocalan ke 25ê adare de wexto ke Mehmet Ocalanî reyde pê telefonî qisey kerdêne telefon birîya.

	&nbsp;