
Grevê vêşanîye roja 132ine de yo  

2021-04-07 14:21:29


	&nbsp;

	MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 27ine dewr girewt û roja 132ine de dewam keno.

	&nbsp;

	Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 27ine dewr girewt û grev roja 132ine de dewam keno.

	&nbsp;

	Merdima tepişteyan Remzîye Amutgan dîyar kerd ke grevê vêşanîye 4 mengî pey xo de verda û vat, ganî wayîrvejîyayîşêko pîl bibo. Remzîye vat: "Êdî bes o, sere wedarnê. Vejîyê teber û qisey bikerê. Ma bi ters nêeşkenê çîyêk dest bikerê. Merdim bi cesaret qezenc keno."

	&nbsp;