
KCDP: Menga adare de 28 cinî ameyî kiştene  

2021-04-02 14:36:15


	&nbsp;

	&nbsp;

	MERKEZÊ XEBERAN - Platformê Ma do Cînayetê Cinîyan Vindernaê, raporê xo yê menga adare eşkera kerd û goreyê raporî 28 cinî ameyî kiştene. Merdişê 19 cinîyan zî bi guman o.

	&nbsp;

	Platformê Ma do Cînayetê Cinîyan Vindarnê (KCDP), raporê xo yê menga adare eşkera kerd û goreyê raporî 28 cinî ameyî kiştene. Goreyê raporî merdişê 19 cinîyan zî bi guman o.

	&nbsp;

	Rapor de wina ame vatene: "Sebebê kiştişê 20 cinîyan dîyar nîyo. Cinîyêke sebebê ekonomîye û 7 cinî zî semedê waştişê dewaya veradayîşî ameyî kiştene. 13 cinî hetê camêrdê ke înan dir zewicnayebî ameyî kiştene. 4 cinî zî hetê naskerdoxanê xo ra ameyî kiştene. 3 cinî hetê camêrê ke înan dir zewicnayebî ameyî kiştene. Se ra 64 cinî keye de ameyî kiştene. 14 cinî bi çek ameyî kiştene. Sewbîna nêame zanayene ke 20 cinî bi kam ci bahane ameyê kiştene."

	&nbsp;

	Sewbîna wina rapor de reaksîyon betalkerdişê Pêkerdişê Stenbolî ame kerdene û ame dîyarkerdene ke do wayîrê pêkerdişî vejîyê.

	&nbsp;