'Padayîşê HDPyî meseleyê demokrasî, têduştî û azadîye yo' 

2021-03-30 14:51:31


	 

	 

	ENQERE - Gulîstan Kiliç Koçyîgît dîyar kerd ke padayîşê HDPyî meseleyê demokrasî, têduştî û azadîye yo û dîyar kerd ke welatê Ewropa sîyasetî dûr ra kenê û tavîzê cidî danê Tirkîya.

	 

	Serdozgerê Komare ya Dadgeha Berzî Bekîr Şahîn, bi waştişê padayîşê Partîya Demokratîke ya Şaran (HDP)  û qedexeyê siyasetî yê 5 serran ê semedê 678 îdarekarê partîyan û endamê înan 17ê Adare de muracatê Dadgeha Destûrê Bingehîn (DDB) kerdibî. Yeno pawitene ke cigêrayîşê derheqê padayîşê HDPyî 31ê Adare de bi netîce bibo. Pêwa nê heme averşîyayîşan welatê Ewropaya zî derheqê HDPyî de eşkerayîyêke dayî û vatî: "Ma rewşa ra bi endîşeyîn ê û mîyanê gumanan de yê."

	 

	Derheqê dewaya padayîşê HDPyî de nêzdîbîyayîşê welatê Ewropayî hemverê babete û têkoşînê hempar ê cinîyan de parlamentera DHPyî ya Mûşî û Endama Dîplomasîyê Komîsyonê Cinîyan Gulîstan Kiliç Koçyîgît ercnayîş kerd.

	 

	'Na dewa huqûqî nîya'

	 

	Gulîstane dîyar kerd ke munaqeşeyê dewaya padayîşê dewa, padyîşê partîya înan munaqeşeyêke sîyasî nîyo û netîceyê nê munaqeşeyan de tifaqê AKP û MHPyî komel de helîya yo û vat: "Pêro anketê bîyayeyî ramojnenê ke weçînayîşêke bîyaye de îqtîdar se ra 50+1 nêgîno. Semedê nê zî roniştî û serê masa de plan kerdî. Vatî, ‘madem ma nêbenê îqtîdar, bîyayîşê HDPyî yê sîyasetî semedê ma tehluke yo. O wext ma HDPyî tasfiye bikerê û muxalefetî parçe bikerê. Ma hêzê pîl yê muxalefetî çin bikerê.' Serê nê de sîyaset kerdî. No zî ramojneno ke weçînayîşan de serkewte nêbenê û bi nameyê huqûqî tasfîye kenê. Semedênêzî tu hetê huqûqîyê na dewa çin o."

	 

	'Nimuneyê tarîxî ra tu ferqê ci çin o' 

	 

	Gulîstane vat, îdianame ameyo amadekerdene zî çîyê veng ra ameyo amadekerdene û cipersayîşê  ameyê akerdene û fezleke zî îdianameyî de ca girewtê. Gulîstane wina vat: "Îdianameyê ameyê amadekerdene de operasyonê tasfiyekerdişê HDPyî yê sîyasetî yo. Semedê nê zî tarîx de zêde yê û tu ferqê înan zî çin o. AKPyo ke vatêne ê hemverê padayîşê partîyanê nika ewro o zî eynî çî keno. No zî bêçaretîyê înan eşkera ramojneno."

	 

	'Ganî her kes îtîraz bikero'

	 

	Gulîstane dewam de wina vat: "Her kes binê tehluke de yo. Ganî her kes hemverê nê operasyonê sîyasî û kayî vejo. O ke hewl yeno dayîş bêro padayîş demokrasî û ameyoxê Tirkîya yo. O ke yeno waştene bêro awankerdene zî rejîmê yew camêrdî yo. Wazenê her ca de nê rejîmî bi ca bikerê. Ma bi îqtîdarêke yew îmza heme heqanê ma desteser keno dir rî bi rî yê. No tehluke semedê pêro Tirkîya pîl o. Semedê nê ganî her kes îtîraz bikero û no tena berpisîyarîyê HDPyî nîyo."

	 

	'Tawîz dayî Tirkîya'

	 

	Gulîstane qiseykerdişê xo wina dewam kerd: "Eşkerayîya welatê Ewropa sey ‘bi endîşe yo’ zî eşkerayîyêke dûrî ya. Parê YE û Konseyê Ewropayî rewşa nika ya Tirkîya de bi hawayêke cidî esto. Semedo ke Tirkîya sey welatêke NATOyî destê xo de bigîrê tawîzê cidî dayî Tirkîya. Eke ewro Tirkîya na rewşe de ya çi heyf parê siyasetmedarê Ewropayî de xeylêk zêde yo."

	 

	Gulîstane bale ant serê pştdayîşê cinîyê Latîn Amerîka û Ewropayî ke derheqê pêkerdişê Stenbolî de û vat: “Semedo ke pêkerdiş nêro feshkerdene her wext ma dir têkilî de bî. No paştdayîş bi erj bi. Semedo ke AKPyî paştdîyayîş dî hemleyêk wina eşt. Tirkîya de di lingê xoverdayîşî esto. Yew xoverdayîşê HDPyî yo û yê derdorê ci yo. Ê diyîne zî xeta têkoşînê cinîyan a. Nika hemverê her di lingan zî hemle estê. Ez veng dana cinîyê Tirkîya û dinya kena. Lazimîyê ma xerîteya rayîrî ke ma pîya rayrayîş bikerê esta. Ganî ma têkoşînê cinîyan de bêrê têhet û zorê tifaqê camêrdan berê."