'Ma do 2yê Nîsane de Edlîyeyê Wanî de bê'  

2021-03-29 09:11:11


	 

	WAN - Rojnamegerê ke xebera, di welatijê ke dimayê îşkenceyî helîkopter ra ameybî eştiş viraştibî, bi 8 mengî yo tepişteyê û do 2ê Nîsane de vejîyê vernîya dadgerî. Embazê înan vengdayîşê paştdayîşî kerdî û vatî; "Ma şahidê rojnamegerîya înan ê. Ma do 2yê Nîsane de edliyeyê Wanî de bê."

	 

	Şaxê Wanî de leşkerê ke kewtibî operasyon, Osman Şîban û Servet Turgut îşkence kerdibî û helîkopter ra eştibî. Muxabirê ke hedîse kerdî xebere, dimayê hedîse 9ê teşrîna 2020 de ameyî tepiştiş. Muxabirê Ajansê Mezopotamya (MA) Adnan Bîlen û Cemîl Ugur, muxabira Jinnewsî Şehrîban Abî û rojnamegere Nazan Sala yê tepişteyî û muxabira (MA) Zeynep Durgut ya nêtepişte yenê muhakemekerdene do 2ê Nîsane vejîyê vernîya dadgerî. Îdianame hetê 5ine dadgeha cezaya giran ya Wanî ra ame qebulkerdene, bi îdiayê ‘endamîya rêxistine’ waştişê ceza kerd.

	 

	Meslegdarê înan verê roniştişî vengdayîşê paştdayîşî kerdî û dîyar kerdî ke rojnamegerî nêeşkenê bêrê muhakemekerdene û çapemenîya azad nêeşkena bêra bêvengkerdene.

	 

	'Tepiştişê înan lekeyêko sîya yo'

	 

	Rojnamegere Hamdiye Çîftçî: Tirkîya de azadîya fikr û fehmî sey birînêke yo. Semedê xebara di welatijê ke helîkopter ra ameyî eştene, 4 embazê ma 8 mengî yo tepişteyê. Tu hetê nê huqûqî çin o. Semedo ke rastî yenê nuştene, tepiştişê înan nîno qebulkerdene. Rojnamegerî suc nîya. Embazê ma rastî nuştê. No qerar semedê welatî lekeyêko lêşîn o. Ma teqîbkerdoxê dewa yê. omidê ma oyo ke embazê ma bêrê veradayene."

	 

	'Embazê ma her wext verê şarî de bî'

	 

	Muxabira Ajansê Mezopotamya Ozlem Yayan: Ma şahidê rojnamegerîya înan ê. Ganî embazê ma bêrê veradayîş. Embazê ma pêwa pêro şert û mercan kîşte embazanê xo de bî. Bî vengê şarî. Wextê erdlerzî de bi şewe û roj verê erdlerzayan de bî. Cigêrayîşê hetkarîya semedê welatijan dinya de dayî eşnawitiş. Di hezazê Mukusî dayî eşnawitiş. Bî vengê mexduran. Ma şahidê rojnamegerîya înan ê. Ma wareyan de yê.

	 

	Rojnamegere Nîmet Olmez: 4 embazê ma semedê binpaykerdişê heqan yenê meydan hewl dayîne. Xeylêk rey sereştişê keyeyê embazan û ajansî de ameyî tepiştene. Hetê polîsan ra hacetê înan ameyîne destserkerdene. Wextê destbenkerdiş de nêverdayî avûkatî şêrê. Qeraro nimte dayî serê dosyaya înan. Ajansê Mezopotamya ame astengkerdene. Çend rojî dima embazê ma ameyî tepiştiş. Embazê ma tepiştiş de rastê binpaykerdişê heqan ameyî. Nazane û Şehrîbane dimayê ke ameyî tepiştiş, karantîna de bi tepişteyê camêrdê edlîyan dir eynî korîdore de mendî. Embaza Nazane xeylêk problemê aye weşîye estê û ganî biameyîne dermankerdene. Ganî pêro embazê ma lezabez bêrê veradayîş. Delîlê sucî zî parekerdişê çapemenîya komelî û faliyetê rojnamegerî ameyê ramojnayîş. Ma şahidê rojnamegerîya embazanê xo yê.