'Ma padayîşê HDPyî rê destûr nêdanê' 

2021-03-25 15:10:06


	 

	 

	ENQERE - Cinîyan reaksîyon vera dewaya bi waştişê padayîşê HDPyî dayî û dîyar kerdî ke HDP partîyêka name nîya û vatî, pîrozkerdişê Newroze de girse nê rê bîya cewab.

	 

	Serdozgerîya Komara ya Dadgerî bi amancê padayîşê HDPyî dewa akerd û berd Dadgeha Desturê Bingeyîn (DDB). Welat de zî rayîrê reaksîyonî akerd. Temsîlkarê partîyê sîyasî, nuştox, roşnvîr û rojnamgeran heta xeylêk hetê komelî ra reaksîyon vera dewa dayî.

	 

	Welatijê ke Enqere de ciwîyenê zî reaksîyon vera dewaya padayîşê HDPyî dayî û vatî do têkoşîn bikerê.

	 

	'HDP tena partîyêke nîya' 

	 

	Yagmur Alaz Gulveren dîyar kerd ke heme partîyê ke îradeyê şarê Kurdî nas kenê û no zî nimûneyê peynîye yo û vat: "HDP tena partîyêka name nîya. Pîrozkerdişê Newroza Amed, Mêrdîn, Enqere û xeylêk şaristananê bînan yê Newroze de şarî cewab dayo. Bi padayîşê HDPyî nêeşkenê îradeyê şarî çin bikerê."

	 

	'Do şar zî do parlamenterê şarî zî qisey bikerê'

	 

	Yagmure dîyar kerd ke bi tepiştiş û destbendkerdişan hewl danê ke şarî bêveng bikerê û dîmenê destbednkerdişê parlamenter Omer Faruk Gergerogluyî yê meclîsî hetê bi seyan polîsan ra ame destbednkerdene ard vîr û vat bi no hawa nêeşkenê Omer Farukî bêveng bikerê. Yagmure wina vat: "Do şar zî parlamenterî zî qisey bikerê. Heta eşkenê wa partî padê. Do a newî bêra akerdene."

	 

	'Ma se bikerê heqdar ê'

	 

	Nurten Temel zî dîyar kerd ke ê nêwazenê  HDP bêro padayîş û dîyar kerd ke se beno wa bibo ganî destûr nêdê ke HDP bêro padayîş û hemverê nê vengdayîşê têkoşînî kerd û vat, şar se bikero heqdar o.

	 

	'Ma wazenê azad bibê'

	 

	Gulşen Temel zî reaksîyon ramojna û vat, ê nêwazenê bibê kole, ê wazenê azad bibê û vat: "Ciwanan ra bigirî heta cinîyan û heta kal û pîran ganî her kes hemverê na rewşe vejîyo. Ganî têkoşîn bêro dayene. Ma aştîye wazenê."