'Nûjîyan Erhan bî vengê dej û cuya ma' 

2021-03-22 09:48:35


	 

	 

	Evîn Zenda-Nesrîn Hisên

	 

	ŞENGAL - Serê qetilkerdişê Rojnameger Nûjîyane Erhan ke wexto xeberan taqîb kerdêne û ameye qetilkerdene 4 serrî derbaza bi. Nafîye Mêşo ke bi Nûjîyan Erhan dir menda bale ant serê têkoşînê aye û wina vat: "Embaza Nûjiyan bî vengê dej û cuya ma. Embazêke zaf erjîyaye bî û pey heqîqetî bî."

	 

	Rojnameger Nûjîyane Erhan (Tuba Akyilmaz), Xanesora Şengalî de wexto ke xeberan taqîb kerdêne, ameye qetilkerdene. 3yê Adara 2017 de hêzê Partîya Demokratîke ya Kurdistanî (KDP) hêrişê Rojnameger Nûjîyan Erhan kerd û Nûjîyane sereyê xo ra bi giranî birîndar bî. Nûjîyane 22yê Adara 2017 de Nêweşxaneyê Hasekî de dimayê têkoşînê xo yê cuye ya 17 rojan dinyaya xo bedilnaye. Nafîye Mêşo ya bi Nûjîyane Erhan dir menda, qalê aye kerd.

	 

	'Nûjîyan Erhan bî vengê dej û cuya ma'

	 

	Nafîye bale ant serê keda Nûjîyane û wina vat: "Sere de ma şehîdê 74 fermanan anê xo vîr û bejne xo verê înan de tewênenê. Şehidê azadîye yê ke verê şarî û herra xo canê xo dayî ez pêrûne ana xo vîr. Seke yeno zanayene 3yê Adara 2017 de bi hêrişê PDK û embazanê înan 10 embazê ma şehîd kewtî. Nînan ra yew zî embaza ma Nûjîyan Erhan bî. Bi rastî zî embaza Nûjîyan kedêke pîl verê ma cinîyê Êzidîjan da. Nûjîyane Erhan bî vengê dej cuya ma. Embazêke zaf erjîyaye bî la çi heyf bi destê xîyanetkaran şehîd kewte."

	 

	'Nûjîyane vengê ma resna dinya'

	 

	Embaza Nûjîyane serra fermanî de ameye Şengal. Amancê aye oyo bi ke vengê komel û cinîyê Êzidijan biresno pêro dinya. Zaf erjîyaye û gonîgermin bî. Zaf zerrî ra bî coka cayê xo mîyanê zerrîya cinî, dayîk û komelê Ezidî de girewtêne. Şîne verê pêro cinî û dayîkan, semedo ke bibo vengê cinîyê Êzidî xo resna Şengal û vengê ma resna dinya. Şengal de xoverdayîşêko pîl da û eynî wextî de zî bi keda xo ya pîl Şengal de ca girewt. Ma semedê embaza Nûjîyane çi vajî tay maneno. Ma nêeşkenê bi vatişan rastî û têkoşînê aye bîyarê ziwan. Ewro kêna û ciwanê ma neqlkerdişê ma de ca gênê. Yê ke tutê ma ardî na sewîya û tutê ma bî vengê ma keda embaza Nûjîyane bî. Embaza Nûjîyane xêrcê rojnamegerî her hetê cuye de cayê xo girewt. Embaza Nûjîyane bî embaza cinîyê Êzidîjan û ma tena ewro ney ma her wext embaza Nûjîyane anê xo vîr û ma tu wext keda ci û embazîya aye ya semedê cinîyan xo vîr ra nêkenê. Ma reyna vanê ke sereyê keye, şar û embazanê aye sax bo. Ma tu wext nê embazê ma yê ke bi xiyanêt şehîd kewtê xo vîr ra nêkenê."