Baxçeyê edlîyeyî Emîne Şenyaşar rê qedexe kerdî 

2021-03-16 14:19:24


	 

	 

	RIHA - Çalakîya roniştişî ya Emîne Şenyaşara ke mêrde û domanê ci hetê merdimanê wekîlê AKPyî ra kişîyabî roja 8ine de ya. Dozgerî baxçeyê edlîyeyî Emîne Şenyaşar rê qedexe kerd.

	 

	Emîne Şenyaşara ke merdêyê ci û 2 lajê ci hetê pawitox û merdimanê AKPyî Îbrahîm Halîl Yildizî ra ameybî kiştene lajê xo Ferît Şenyaşarî reyde 8 rojî yo çalakîya roniştişî kena.

	 

	Keyeyî waşt ke Serdozgerê Komare reyde pêvînayîşêk bikero la hema cewab nêdîya keyeyî. Emîne Şenyaşar vizêr bi îdîaya 'vera wezîfedarê dewlete heqaret' amebî destbendkerdene û îfade ra dima vera dîyaye.

	 

	Emîne û lajê ci nêgirewtî baxçe

	 

	Dozgerî destûr nêda Emîne Şenyaşar debikewa baxçeyê edlîyeyî. Keyeyî twitterî ser o vat: “Serdozger nêverdeno ma debikewê baxçe. Pêro dinya qîrayîşê na eşnawit teyna Wezîrê Edaletî nêeşnawit.”

	 

	Keye verê berê edlîyeyî de çalakîya xo rê dewam keno. Emîne Şenyaşar vat: “Hînî bes o. Ma dewlete ra mirenê.”