Sêrtî de qorîcî tecawuzê cinîya astengdare kerd! 

2021-03-14 14:26:19


	 

	SÊRT - Dewêka girêdayê qezaya Xizxêrî de vejîya meydan ke qorîcîyêke tecawuzê cinîya astengdare kerd.

	 

	Dewêka qezaya Xizxêrî ya Sêrtî de ame dîyarkerdene ke qorîcîyêke tecawuzê cinîya astengdare kerd. Ame vatene ke hedîse dimayê pîzeyê cinîya ke tecawuz ci rê ameyo kerdene bîyo pîl û wedarnayê nêweşxane eşkera bîyo. Dimayê eşkerakerdişê hedîse Wezareta Polîtîkayê Komelî û Keyeyî, cinîya ke tecawuzî ci rê ameyo kerdene Sêrtî de kerdê binê pawitişî. Goreyê zanayîşê ke ameyê bidestkerdene cinîya digane 12ê Adare de pitike arda û derheqê hedîse de cipêrsayîş ame destpêkerdene.

	 

	Sewbîna hetêk ra zî ame eşkerakerdene ke qorîcîyo ke tecawuz kerdo nêameyo destbendkerdene yan zî tepiştiş û wazenê serê hedîse bigîrê.