Amed de adiro verên ê Newroze ame tafînayene 

2021-03-13 15:08:49


	 

	 

	AMED - Amed de adiro verên ê Newroze ame tafînayene û dormeyê ci de govende ameye girewtene.

	 

	Komîteya Amadekerdişê Newroze ya Amedî adiro verên ê emserî tafîna û startê pîrozkerdişan da. Adiro ke verê Rêxisitina HDPyî ya Kayapinarî de ame tafînayene dormeyê ci de govende ameye girewtene.

	 

	Wekîlê Partîya Demokratîke ya Şaran (HDP) Dersim Dag û Remzîye Tosune û xeylêk kesê bînî tewrê pîrozkerdişî bîyî. Bexçeyê partîye de pankaret sey ''Ma pê adirê Newroze xover bidê azad bi'', ''Cinîyî do bi serewedaritişî adirê Newroze gir bikerê'', '2Adirê Newrozê gir bikerê, tecrîdî bişiknê'' ameyî daliqnayene. Serekê komîteyî û wekîlê hemserekanê HDPyî yê Amedî Îrfan Sonerî û endama komîte Zelal bîlgîne eşkeraye dayî.

	 

	'Wextê têhet ameyîşî yo'

	 

	Zelale ard ziwan ke ê Newroze binê polîtîkayanê şerî de pîroz kenê û vat: ''Newroz vengdayîşê aştîye yo. Ma veng danê heme şaranê xo ke wa amadekarîya Newroze bikerê û xoverdayîşî pîl bikerê."

	 

	Adirê Newroze ame tavistene

	 

	Îrfanî zî vist vîrî ke par rîyê janî ra Newroze nêameye pîrozkerdene û vat: ''Ma semedê pîrozkerdişê Newroze muracatê Walîtîya Amedî kerd. Adiro ke Kawayê Asinkarî tafîna ewro zî kilaya ci bena berz. Ma zanê ke Newroze haştîye, adelet û demokrasî ya. Ma rayîrê Melayê Cizîrî, Ehmedê Xanî û Saydeyê Cegerxwînî de Nerwore pîroz bikerê."

	 

	Badê eşkerayîye adir ame tafînayene û dormeyê kila de bi slogana "Newroza to wa pîroz Serek Apoyî" govend ameye girewtene.