
Şengalijî astengî rijnayî: Dest bi rayraşîyayîşê girseyî kerdî

2021-03-11 15:50:30


	&nbsp;

	ŞENGAL- Şengal de rixmê hêrişê hêzanê Iraqî bi hezaran kesê ke ameyî pêser dest pê rayraşîyayîşî kerd.

	&nbsp;

	Dima ke vera şarê Şengalî artêşa Iraqî hêrişê xo zêdînayî şengalijan rayraşîyayîşêk organîze kerd. Xeylêk dewan ra êzidîyî saetanê serê sibayî de resayî Şengalî. Goreyê saeta herêmîye 12.00 de bi hezaran kesan bi beyraqanê Asayîşê Êzidxanî ver bi merkezê bajarî dest pê rayraşîyayîşî kerd.

	&nbsp;

	Verê rayraşîyayîşî xeylêk nûqtayan de hetê hêzanê Iraqî ra astenkerdişî vejîyayî. Têmîyankewitşê dewa Tilizêrê de sîvîlêk birîndar bi û şar rixmê nayî rayraşîyayîşê xo rê dewam kerd. Çarçewa pêkerdişêkê mabênê Baxdad û Hewlêrî de bi mengan o Şengal reyna yeno hedef kerdene.

	&nbsp;

	Tewr peynî de hukmatê merkezî yê Iraqî waşt bi ke wa Hêzê Pawitişî yê Şengalî zereyê 24 saetan de bajarî ra vejîyê. Meclîsê Xoserîya Demokratîke ya Şengalî roja çarşemeyî badê kombîyayîşêk waştişê înan red kerd.&nbsp;