
‘Sûrîye de tewr tay 12 hezar tutî dinyaya xo bedilnayî’ 

2021-03-11 14:32:21


	&nbsp;

	&nbsp;

	MERKEZÊ XEBERAN - UNICEFyî, dîyar kerd ke mîyanê 10 serrî de şerê mîyanî de tewr tay 12 hezar tutî dinyaya xo bedilnayî.

	&nbsp;&nbsp;

	Fonê Hetkarîya Seba Tutan ê Neteweyê Yewbîyaye &nbsp;(UNICEF) dîyar kerd ke mîyanê 10 serrî şerî mîyanî de tewr tay 12 hezar tutî dinyaya xo bedilnayî û birîndar bîyî. Goreyê zanayîşê UNICEFî şerê Sûrîye kewto serra 10ine û xeylêk tutî ameyoxê înan dîyar nîyo. Sewbîna se ra 90î tutan lazimîyê înan bi hetkarî esta.

	&nbsp;

	Eşkerayî de ame dîyarkerdene ke tena serra vîyarte de 511 tutî dinyaya xo bedilnayî û 699 tutî zî birîndar bîyê. UNICEFî dîyar kerd ke pêwa pêrodayîş kêm bîyo zî serra vîyarte de 61 mektebî, 29 nêweşxaneyî bi hêrişan dir rî bi rî mendê. Sewbîna &nbsp;ame vatene ke bobelatê dayîşê perwerdeyî zî qewimyayo.

	&nbsp;

	Lazimîyê tutan hetkarîya merdimayî esta

	&nbsp;

	Eşkerayî de ame vatene ke Sûrîye de dorê 2 milyon tutî û 750 hezar tutî mecbûr mendê, biremê welatê cîranan hîna nêeşkenê şêrê mekteb û nêzdîyê 6 milyon tutî lazimîyê tutan hetkarîya merdimayî esto. Sewbîna goreyê zanayîşê 500 hezar tutî bi hawayê kronîk nêeşkenê baş hetê werdî de bêrê mirdkerdiş. Keyeyî mecbûr manenê ke tutanê xo bidê xebitnayîş zî emrê qij de bidê zewicnayîş.

	&nbsp;