Grevê vêşanîye roja 105ine de yo 2021-03-11 13:54:19   MERKEZÊ XEBERAN - Grevê vêşanîye yo ke vera tecrîdê serê Rayberê PKKyî Abdullah Ocalanî û binpaykerdişê heqanê tepişteyan dîya destpêkerdene koma 21ine dewr girewt û roja 105ine de dewam keno.   Grêvê vêşanîye yê bêdem biagêrayîşî yo ke tepişteyanê sîyasîyan 27ê teşrîna peyêne de zîndananê Tirkîya û herême de vera tecrîdkerdişê Rayberê PKKyî Abdullah Ocalanî û binpaykerdişê heqanê tepişteyan dabi destpêkerdene, koma 21ine dewr girewt û grev roja 105ine de dewam keno.   Merdimê tepişteyan reaksîyon vera sersarîyê selahîyetdaran dayî û vatî: "Tecrîd rastîyê nê welatî bi bincilkerdişî nîno nimtene. Ganî waştişê tepişteyan bêro qebûlkerdene û tecrîdê Îmraliyî peynî bibo.